ആരോഗ്യ ഇൻഷൂറൻസിൽ ഏതൊക്കെ പോളിസികളുണ്ട്?
Mail This Article
ജനറൽ ഇൻഷുറൻസ് കമ്പനികൾ വ്യത്യസ്ത തരത്തിലുള്ള ആരോഗ്യ ഇൻഷുറൻസ് പോളിസികൾ ലഭ്യമാക്കുന്നുണ്ട്.വ്യക്തിഗത പോളിസികൾ, ഫാമിലി ഫ്ലോട്ടർ പോളിസികൾ, സീനിയർ സിറ്റിസൺ പോളിസികൾ, ക്രിട്ടിക്കൽ ഇൻഷൂറൻസ് പോളിസികൾ, ഹോസ്പിറ്റൽ ക്യാഷ് പോളിസികൾ, ടോപ് അപ് പോളിസികൾ എന്നിവയാണ് ഇതിൽ പ്രധാനമായുളളത്. ഇത് കൂടാതെ വിവിധ കമ്പനികൾക്കായുള്ള ഗ്രൂപ്പ് പോളിസികൾ, സർക്കാർ നടപ്പിലാക്കുന്ന ആരോഗ്യ ഇൻഷൂറൻസ് എന്നിവയും നിലവിലുണ്ട്.
പരിരക്ഷയുള്ള റിസ്ക്കുകൾ ഏതെല്ലാം?
റൂംവാടക, ഇന്റൻസീവ് കെയർ യൂണിറ്റ് ചാർജുകൾ, നഴ്സിങ്ങ് ചാർജുകൾ, ഡോക്ടർ/സർജൻ/അനസ്തീഷ്യ മുതലായവയുടെ ഫീസ്. രോഗ നിർണയത്തിനുളള ചിലവുകൾ (ഉദാ: സ്കാനിങ്ങ്, എക്സ്റേ, രക്തപരിശോധന മുതലായവ) മരുന്നുകൾ, രക്തം, ഒാക്സിജൻ, കൃത്രിമാവയവങ്ങൾ മുതലായവക്കുളള ചിലവുകൾ ഡയാലിസിസ്, റേഡിയോതെറാപ്പി മുതലായവയും ഇതിൽ ഉൾപ്പെടുന്നതാണ്. ഇത് കൂടാതെ ഡേകെയർ ആയി 24 മണികൂർ അഡ്മിറ്റ് ചെയ്യാതെ ചികിത്സിക്കാൻ പോളിസികളിൽ വ്യവസ്ഥയുണ്ട്. ആശുപത്രിയിൽ അഡ്മിറ്റ് ആവുന്നതിന് 30 ദിവസത്തിന് മുമ്പും ഡിസ്ചാർജ് ചെയ്ത് 60 ദിവസത്തിനുള്ളിലും വന്നിട്ടുളള ചികിത്സാ ചിലവുകളും ക്ലെയിം ചെയ്യാവുന്നതാണ്.