അറിഞ്ഞോ? കന്നുകാലികളും ഓൺലൈനിലാണ്
Mail This Article
മനുഷ്യരെപ്പോലെ കന്നുകാലികളെയും ഇപ്പോൾ ഓൺലൈനായി ഇൻഷൂർ ചെയ്യാം. മൃഗസംരക്ഷണ വകുപ്പാണ് സമഗ്ര കന്നുകാലി ഓൺലൈൻ ഇൻഷൂറൻസിനുള്ള അവസരം ഒരുക്കിയിരിക്കുന്നത്. ഇതിനായി ഗോ മിത്ര ഇൻഷൂറൻസ് സോഫ്റ്റ് വെയർ സജ്ജമാക്കിയിട്ടുണ്ട് .
അത്യുല്പാദന ശേഷിയുള്ള കന്നുകാലികളുടെ ആകസ്മിക മരണമോ പാൽ ഉല്പാദനത്തിൽ കുറവോ വരുന്ന കർഷക കുടുംബത്തിന് അതിജീവനവും സാമ്പത്തിക ഭദ്രതയും ഉറപ്പാക്കാനാണ് മൃഗസംരക്ഷണ വകുപ്പ് കന്നുകാലി ഇൻഷൂറൻസ് നടപ്പാക്കി വരുന്നത് .
പുതിയ സോഫ്റ്റ് വെയറിലൂടെ ഇൻഷൂറൻസിനുള്ള അപേക്ഷ പൂരിപ്പിച്ച് ഓൺലൈനായി സമർപ്പിക്കുന്നതിന് മൃഗാശുപത്രികളിൽ എത്തണം. ഉരുക്കളുടെ ഫോട്ടോ ഉൾപ്പെടെയുള്ള വിവരങ്ങളും ഉടമയായ കർഷകന്റെ വിവരങ്ങളും ആശുപത്രിയിലെ നിർവഹണ ഉദ്യോഗസ്ഥൻ ഓൺലൈനായി സമർപ്പിക്കും. പ്രീമിയം തുകയുടെ കർഷക വിഹിതം അടയ്ക്കാനുള്ള ചലാനും സോഫ്റ്റ് വെയറിൽ നിന്നു ലഭിക്കും .
പോളിസി രേഖയും സോഫ്റ്റ് വെയറിൽ നിന്നു ലഭ്യമാകും. ക്ലെയിം സമർപ്പിക്കുന്നതിനുള്ള സൗകര്യവും തീർപ്പാകുന്നതുവരെ നിരീക്ഷിക്കാനുള്ള സൗകര്യവും സോഫ്റ്റ് വെയറിലുണ്ട് .കൂടുതൽ വിവരങ്ങൾക്ക് ഫോൺ :0471-2302283
English Summary : Online Insurance Coverage for Cattle