എസ് ബി ഐയുടെ സൗജന്യ അപകട ഇൻഷുറൻസ് ആർക്കാണ്?

നിങ്ങളുടെ പ്രധാനമന്ത്രി ജൻ ധൻ യോജന അക്കൗണ്ട് എസ് ബി ഐയിൽ ആണോ? അത് 2018 ഓഗസ്റ്റിനുശേഷം തുടങ്ങിയതാണോ?  എങ്കിൽ നിങ്ങൾക്ക് 2 ലക്ഷം രൂപയുടെ സൗജന്യ അപകട മരണ ഇൻഷുറൻസ് ലഭിക്കും. ഈ ഇൻഷുറൻസ് ലഭിക്കുന്നതിനായി  എസ് ബി ഐ യുടെ റുപേയ് ജൻ ധന്‍ കാർഡും  അക്കൗണ്ട് ഉടമകൾക്ക് വേണം. 

2018 നു മുൻപുള്ള ഉപഭോക്താക്കൾക്ക് 1 ലക്ഷം രൂപയുടെ ഇൻഷുറൻസ് കവറേജ് ലഭിക്കും. എസ് ബി ഐ യുടെ ഈ സൗകര്യം നോമിനിക്കും ലഭിക്കുന്നതാണ്. 

എങ്ങനെ ഇൻഷുറൻസ് ലഭിക്കും?

അപകട മരണ ഇൻഷുറൻസ് ലഭിക്കുന്നതിന് നോമിനി ഒരു ക്ലെയിം ഫോറത്തിൽ വിവരങ്ങൾ ശരിയായി പൂരിപ്പിച്ചു മരണ സർട്ടിഫിക്കറ്റിന്റെ കൂടെ സമർപ്പിക്കണം. അപകടമുണ്ടായതിന്റെ എഫ്ഐ ആർ, പോസ്റ്റ് മോർട്ടം റിപ്പോർട്ട് , ഫോറൻസിക് സയൻസ് ലബോറട്ടറി റിപ്പോർട്ട് , മരിച്ചയാളുടെ ആധാർ കാർഡ് എന്നിവയുൾപ്പടെ അപേക്ഷിക്കണം. അപകട മരണമുണ്ടായി 90 ദിവസത്തിനകം അപേക്ഷിച്ചാൽ മാത്രമേ ഇൻഷുറൻസ് ലഭിക്കുകയുള്ളൂ.

English Summary: Free Insurance Coverage for SBI Jan Dhan Account Holders