sections
MORE

എസ്ബിഐയുടെ ക്രഡിറ്റ് കാര്‍ഡ് വിഭാഗം ഐപിഒ വിപണിയിലേക്ക്

SBI-logo-845
SHARE


രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ ക്രഡിറ്റ് കാര്‍ഡ് വിഭാഗത്തിന്റെ പ്രഥമ ഓഹരി വില്‍പ്പന(ഐപിഒ) ലക്ഷ്യമിടുന്നു. ഐപിഒ വഴി കാര്‍ഡ് ബിസിനസ്സിലെ എസ്ബിഐയുടെ ഓഹരികള്‍ വിറ്റഴിക്കാനാണ് പദ്ധതി. എസ്ബിഐ കാര്‍ഡ്‌സ് & പേമെന്റ് സര്‍വീസസില്‍ 74 ശതമാനം ഓഹരി വിഹിതമാണ് നിലവില്‍ എസ്ബിഐക്ക് ഉള്ളത്. എസ്ബിഐയും കാര്‍ലില്‍ ഗ്രൂപ്പും ചേര്‍ന്നുള്ള സംയുക്ത സംരംഭമാണ് ഇത്.
ഐപിഒ വഴി എസ്ബിഐ കാര്‍ഡ്‌സ് & പേമെന്റ് സര്‍വീസസിലെ എസ്ബിഐയുടെ ഓഹരികള്‍ വിറ്റഴിക്കുന്നതിന്  എക്‌സിക്യൂട്ടിവ് കമ്മിറ്റി തത്വത്തില്‍ അനുമതി നല്‍കിയതായി ബാങ്ക് അറിയിച്ചു. ആര്‍ബിഐയുടെയും മറ്റും അനുമതി ലഭ്യമാകുന്നതിന് അനുസരിച്ചായിരിക്കും തുടര്‍നടപടികള്‍. കമ്പനിയുടെ ലയനത്തിന് നാഷണല്‍ കമ്പനി ലോ ട്രിബ്യൂണലിന്റെ അനുമതി ഇതിനോടകം ബാങ്ക് നേടിയിട്ടുണ്ട്. നിലവില്‍ 6 ദശലക്ഷത്തോളം ഉപഭോക്താക്കള്‍ എസ്ബിഐ കാര്‍ഡസ് & പേമെന്റ് സര്‍വീസസിന് ഉണ്ട്.
ഈ സാമ്പത്തികം നാലാം പാദത്തോടെ  ഐപിഒ വിപണിയില്‍ എത്തിയേക്കും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INVESTMENT
SHOW MORE
FROM ONMANORAMA