ആദിത്യ ബിര്‍ള ബാങ്കിങ് ഇ ടി എഫിന്റെ എന്‍ എഫ് ഒ ആരംഭിച്ചു

calculation
SHARE

ആദിത്യ ബിര്‍ള സണ്‍ലൈഫ് മ്യൂചല്‍ ഫണ്ടിന്റെ ബാങ്കിങ് ഇ ടി എഫിന്റെ ന്യൂ ഫണ്ട് ഓഫറിനു തുടക്കമായി. നിഫ്റ്റി ബാങ്ക് ഇന്‍ഡെക്‌സ് ഓഹരികളിലാവും ഈ എക്‌സ്‌ചേഞ്ച് ട്രേഡഡ് ഫണ്ടിന്റെ നിക്ഷേപം. ന്യൂ ഫണ്ട് ഓഫര്‍ ഒക്ടോബര്‍ 22-ന് അവസാനിക്കും. കുറഞ്ഞത് അയ്യായിരം രൂപയും തുടര്‍ന്ന് ആയിരം രൂപയുടെ ഗുണിതങ്ങളായും ന്യൂ ഫണ്ട് ഓഫര്‍ കാലാവധിയില്‍ നിക്ഷേപിക്കാം.
നിഫ്റ്റിയിലെ ബാങ്കിങ് ഓഹരികള്‍ മികച്ച പ്രകടനം കാഴ്ച വെക്കുന്ന ഒരു മേഖലയാണെന്ന് ആദിത്യ ബിര്‍ള സണ്‍ലൈഫ് എ എം സി മാനേജിങ് ഡയറക്ടര്‍ എ ബാലസുബ്രഹ്മണ്യന്‍ ചൂണ്ടിക്കാട്ടി. കോര്‍പറേറ്റ് നികുതി കുറക്കല്‍, പൊതു മേഖലാ ബാങ്കുകളുടെ സംയോജനം തുടങ്ങിയ വിവിധ സര്‍ക്കാര്‍ നടപടികളും വിപണിയുടെ വിശ്വാസം വര്‍ധിപ്പിക്കാനും വളര്‍ച്ച ത്വരിതപ്പെടുത്താനും സഹായകമായിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
ഓഹരികള്‍ പോലെ സ്‌റ്റോക്ക് എക്‌സ്‌ചേഞ്ചില്‍ ലിസ്റ്റു ചെയ്ത് വ്യാപാരം നടത്തുന്നവയാണ്  ഇ ടി എഫ് എന്ന എക്‌സ്‌ചേഞ്ച് ട്രേഡഡ് ഫണ്ടുകള്‍.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INVESTMENT
SHOW MORE
FROM ONMANORAMA