ഇക്വിറ്റി മ്യൂച്വല് ഫണ്ടുകളിലേക്കുള്ള നിക്ഷേപം കുറഞ്ഞു
Mail This Article
കഴിഞ്ഞ സാമ്പത്തിക വര്ഷം ഓഹരി അധിഷ്ഠിത മ്യൂച്വല് ഫണ്ടുകളിലേക്ക് എത്തിയ നിക്ഷേപം കുറഞ്ഞു. മുന് സാമ്പത്തിക വര്ഷത്തെ അപേക്ഷിച്ച് 27 ശതമാനം കുറവാണ് ഉണ്ടായത്. ഇക്വിറ്റി മ്യൂച്വല് ഫണ്ട് സ്കീമുകളിലേക്ക് 81,600 കോടി രൂപയുടെ നിക്ഷേപമാണ് 2019-20 കാലയളവില് എത്തിയത്. മുന് സാമ്പത്തിക വര്ഷം ഇത് 1.12 ലക്ഷം കോടി രൂപയായിരുന്നു ഇത്. എന്നിരുന്നാലും കഴിഞ്ഞ ആറ് വര്ഷമായി ഇക്വിറ്റി മ്യൂച്വല് ഫണ്ടുകളില് അറ്റ നിക്ഷേപം ആണ് നടക്കുന്നതെന്ന് മ്യൂച്വല് ഫണ്ടുകളുടെ സംഘനയായ ആംഫി അറിയിച്ചു.
ഓഹരി വിപണിയിലെ ചാഞ്ചാട്ടം ആണ് കഴിഞ്ഞ സാമ്പത്തിക വര്ഷം മുന് വര്ഷത്തെ അപേക്ഷിച്ച് ഇക്വിറ്റി മ്യൂച്വല് ഫണ്ടുകളിലേക്കുള്ള നിക്ഷേപം കുറയാന് പ്രധാന കാരണം. വിപണിയില് സ്ഥിരത പ്രകടമാകാതിരുന്നതിനാല് ചില നിക്ഷേപകര് പുതിയ നിക്ഷേപം നടത്തുന്നതില് നിന്നും മാറി നിന്നത് മൊത്തം നിക്ഷേപത്തില് കുറവ് വരാന് കാരണമായി.
English Summery: Share market is flucutating