വീണ്ടും റെക്കോർഡ് തകർത്ത് റിലയൻസ്

റിലയൻസ് ഇൻഡസ്ട്രീസിന്റെ ഓഹരി വില റെക്കോർഡ് തകർത്ത് വീണ്ടും കുതിക്കുന്നു. ഇന്ന് 2183 ൽ വ്യാപാരം തുടങ്ങിയ ഓഹരി 2338 രൂ വരെ കുതിച്ചെത്തി.ഇപ്പോൾ 2284 നിലവാരത്തിലാണ് വ്യാപാരം തുടരുന്നത്. റിലയൻസ് റീടെയ്ൽ വിഭാഗത്തിൽ ഒരു ബില്യൺ ഡോളറിന്റെ പുതിയ നിക്ഷേപം എത്തുമെന്ന ഇന്നലത്തെ പ്രഖ്യാപനമാണ് ഇന്ന് ഓഹരി വിലയിലെ കുതിപ്പിന് കരുത്തു പകർന്നത്.

സിൽവർ ലേക്കിന് പിന്നാലെ കെ കെ ആറും  റിലയൻസ് റീടെയിൽ വെഞ്ച്വറിൽ  നിക്ഷേപത്തിനൊരുങ്ങുന്ന വാർത്തകളാണ് വിപണിയിൽ റിലയൻസിനെ താരമാക്കിയത്. ജിയോക്ക് ശേഷം  റീടെയിൽ രംഗത്തെക്കുള്ള ചുവടുവെപ്പിന് അവർക്ക് ഈ പുതിയ നിക്ഷേപം കരുത്ത പകരും.ഇന്ന് 15 ലക്ഷം കോടി രൂപ കടന്നു റിലയൻസിന്റെ വിപണിമൂല്യം. ആദ്യമായാണ് ഒരു ഇന്ത്യൻ കമ്പനി ഈ നേട്ടം കൈവരിക്കുന്നത്. മാർച്ചിൽ ലോക് സൗണിനെ തുടർന്ന് റിലയൻസിന്റെ ഓഹരി വില 867 രൂപ വരെ ആയി കുറഞ്ഞിരുന്നു. ആ സമയത്ത് ഓഹരി വാങ്ങിയവർക്ക് അഞ്ചര മാസം കൊണ്ട് കിട്ടിയത് രണ്ടര ഇരട്ടിയിലധികം നേട്ടമാണ്. 

English Summary : Reliance Share Price going up