ബര്ഗര് കിങ് ഇന്ത്യ ഐപിഒ ഡിസംബര് 2ന്
Mail This Article
ബര്ഗര് കിങ് ഇന്ത്യയുടെ പ്രഥമ ഓഹരി വില്പ്പന അടുത്താഴ്ച തുടങ്ങും. പ്രതി ഓഹരി 59-60 രൂപയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. ഓഹരി മുഖവിലയുടെ ആറ് മടങ്ങd കൂടുതലാണിത്. ഡിസംബര് 2 ന് തുടങ്ങുന്ന ഐപിഒ ഡിസംബര് 4ന് അവസാനിക്കും.
യുഎസ് ആസ്ഥാനമായുള്ള ബര്ഗര് കിങിന്റെ ഇന്ത്യന് ഉപകമ്പനിയായ ബര്ഗര് കിങ് ഇന്ത്യ ഐപിഒയിലൂടെ 810 കോടി രൂപ സമാഹരിക്കാനാണ് ലക്ഷ്യമിടുന്നത്. കൊട്ടക് മഹീന്ദ്ര ക്യാപിറ്റല് കമ്പനി, സിഎല്എസ്എ ഇന്ത്യ, എഡല്വിസ്സ് ഫിനാന്ഷ്യല് സര്വീസസ് , ജെഎം ഫിനാന്ഷ്യല് എന്നിവരാണ് ഇഷ്യുവിന്റെ ബുക്ക് റണ്ണിങ് ലീഡ് മാനേജര്മാര്. ഓഹരികള് ഡിസംബര് 14 ന് എക്സ്ചേഞ്ചുകളില് ലിസ്റ്റ് ചെയ്യുമെന്നാണ് പ്രതീക്ഷിക്കുന്നത്.
കുറഞ്ഞത് 250 ഇക്വിറ്റി ഷെയറുകള്ക്കാണ് ബിഡ് സമര്പ്പിക്കേണ്ടത് . ഐപിഒയുടെ 10 ശതമാനം ആണ് റീട്ടെയില് നിക്ഷേപകര്ക്കായി നീക്കി വെച്ചിരിക്കുന്നത്.രാജ്യത്ത് അതിവേഗം വളര്ച്ച നേടി കൊണ്ടിരിക്കുന്ന ക്യുഎസ്ആര് ശൃംഖലയായ ബര്ഗര് കിങ് ഇന്ത്യ 2026 ഓടെ രാജ്യത്ത് 700 റസ്റ്റൊറന്റുകള് തുറക്കാനാണ് ലക്ഷ്യമിടുന്നത്.
English Summary : Burger King is Going for IPO