ഇന്ത്യന്‍ റെയില്‍വെ ഫിനാന്‍സ്‌ കോര്‍പറേഷന്‍ ഐപിഒ ആദ്യദിനം മികച്ച പ്രതികരണം

HIGHLIGHTS
  • ഐപിഒ ജനുവരി 20 ന്‌ അവസാനിക്കും
13-Arch-bridge%e2%80%93SR-railway
SHARE

പൊതുമേഖലാ സ്ഥാപനമായ ഇന്ത്യന്‍ റെയില്‍വെ ഫിനാന്‍സ്‌ കോര്‍പറേഷന്റെ (ഐആര്‍എഫ്‌സി) പ്രഥമ ഓഹരി വില്‍പ്പന (ഐപിഒ)യിൽ ആദ്യദിനം 38 ശതമാനം സബ്സ്ക്രിപ്ഷനോടു കൂടി മികച്ച പ്രതികരണം പ്രതി ഓഹരി 25-26 രൂപയാണ്‌ പ്രൈസ്‌ ബാന്‍ഡ്‌ നിശ്ചയിച്ചിരിക്കുന്നത്‌. ഐപിഒ ജനുവരി 20 ന്‌ അവസാനിക്കും.

പൊതുമേഖലയില്‍ നിന്നും ഐപിഒ വിപണിയിലേക്ക്‌ എത്തുന്ന ആദ്യ ബാങ്കിങ്‌ ഇതര ധനകാര്യ സ്ഥാപമാണ്‌ (എന്‍ബിഎഫ്‌സി ) ഇന്ത്യന്‍ റെയില്‍വെ ഫിനാന്‍സ്‌ കോര്‍പറേഷന്‍.

ഐപിഒ വഴി ഏകദേശം 4,600 കോടി രൂപ സമാഹരിക്കാനാണ്‌ കമ്പനി ലക്ഷ്യമിടുന്നത്‌. ഐആര്‍എഫ്‌സിയുടെ പത്ത്‌ രൂപ മുഖവിലയുള്ള 178 കോടി ഇക്വിറ്റി ഷെയറുകള്‍ വിറ്റഴിക്കും. ഇതില്‍ ജീവനക്കാര്‍ക്ക്‌ വേണ്ടി നീക്കി വെച്ച 50 ലക്ഷം രൂപ മൂല്യം വരുന്ന ഓഹരികള്‍ 2.9 ഇരട്ടി സബ്സ്ക്രൈബ് ചെയ്തിട്ടുണ്ട്. ഐപിഒയില്‍ കുറഞ്ഞത്‌ 575 ഇക്വിറ്റി ഷെയറുകള്‍ക്കാണ്‌ ബിഡ്‌ സമര്‍പ്പിക്കേണ്ടത്‌.

ബിസിനസ് വളര്‍ച്ചയെ തുടര്‍ന്ന്‌ ഭാവിയിലുണ്ടാകുന്ന മൂലധന ആവശ്യങ്ങള്‍ക്കും പൊതുവായ കമ്പനി ആവശ്യങ്ങള്‍ക്കും വേണ്ടിയായിരിക്കും ഐപിഒ വഴി സമാഹരിക്കുന്ന പണം പ്രധാനമായി ഉപയോഗിക്കുക.

English Summary : IRFC IPO Got good Response in First Day

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INVESTMENT
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA