മ്യൂച്ചല്‍ ഫണ്ടില്‍ ഇനി നിർമിത ബുദ്ധിയുടെ പിടി വീഴും

ആക്സിസ് മ്യൂച്ചൽ ഫണ്ടിലെ തിരിമറികളെ തുടർന്ന് കള്ളത്തരങ്ങൾ കൂടുതൽ ശ്രദ്ധയോടെ മനസിലാക്കാൻ നിർമിത ബുദ്ധിയുമായി സെബി വരുന്നു. ആക്സിസ് മ്യൂച്ചൽ ഫണ്ടിലേത് ഒറ്റപ്പെട്ട സംഭവമല്ലെന്ന തിരിച്ചറിവിലാണ് സെബി നിയമങ്ങൾ കൂടുതൽ കർശനമാക്കുന്നത്. ഒരു ഫണ്ട് ഹൗസ് ഒരു പ്രത്യേക സെറ്റ് ഓഹരികൾ വാങ്ങുന്നതിന് മുൻപ് അതേ ഓഹരികളിലെ വലിയ തരത്തിലുള്ള  വിൽക്കൽ – വാങ്ങലുകൾ  കൃത്യമായി മനസിലാക്കുന്നതിനാണ് നിർമിത ബുദ്ധിയുടെ സഹായം ഉപയോഗിക്കാൻ ഉദ്ദേശിക്കുന്നത്. പലരും പല വ്യാജ അക്കൗണ്ടുകളിലൂടെയാണ് (mule accounts) ഇത്തരം ഇടപാടുകൾ നടത്തുന്നത്. അതുകൊണ്ടു അവ പരിശോധിച്ചുമാത്രമേ കള്ളത്തരങ്ങൾ കണ്ടുപിടിക്കാനാകൂ. ഇത്തരം കള്ളത്തരങ്ങൾ മൂലം ചെറുകിട നിക്ഷേപകരുടെ പോക്കറ്റാണ് പരോക്ഷമായി ഏറ്റവും ചോരുന്നത്. 

English Summary : SEBI will use Artificial Intelligence for Find Out Mutual Fund Frauds