എൽ ഐ സി ഓഹരികൾ തകർച്ചയിൽ നിന്ന് ഉയർത്തെഴുന്നേൽക്കുന്നു?
Mail This Article
രാജ്യത്തെ ഏറ്റവും വലിയ ഇൻഷുറൻസ് കമ്പനിയായ എൽ ഐ സി യുടെ ഓഹരി വിലയിൽ തുടർച്ചയായ ഇടിവിനു ശേഷം കഴിഞ്ഞ കുറച്ചു ദിവസങ്ങളായി ഉണർവ്. 940 ൽ നിന്നും 654 വരെ താഴ്ന്ന എൽ ഐ സി ഓഹരിയിൽ ഇപ്പോൾ 709 രൂപയിലാണ് വ്യാപാരം നടക്കുന്നത്.
ഇപ്പോഴത്തെ ഈ ഒരു വിലയിൽനിന്നും 840 വരെ എൽ ഐ സി ഓഹരികൾ ഉയരുമെന്ന് ജെ പി മോർഗൻ കണക്കുകൂട്ടുന്നു. അതുകൊണ്ട് ഇപ്പോഴത്തെ വിലയിൽ എൽ ഐ സി ഓഹരികൾക്ക് ജെ പി മോർഗൻ 'ബൈ റേറ്റിങ്' നൽകുന്നു.ഐ പി ഒ വിലയേക്കാൾ 30 ശതമാനം വരെ ഇടിഞ്ഞ എൽ ഐ സി ഓഹരി വില ഇനി മുതൽ കയറുമെന്ന പ്രതീക്ഷയാണ് റേറ്റിങ് ഏജൻസിയ്ക്കുള്ളത്.
അതുപോലെ മോത്തിലാൽ ഒാസ്വാൾ എന്ന ബ്രോക്കേജ് കമ്പനിയും എൽ ഐ സി ഓഹരികൾ 830 രൂപ വരെ ഉയരുമെന്ന് പ്രവചിച്ചിട്ടുണ്ട്.എന്നാൽ അടുത്ത ഒരു വർഷത്തിൽ പോലും എൽ ഐ സി, ഐ പി ഒ വിലയുടെ അടുത്തെത്തില്ല എന്നാണ് മറ്റു ചില വിദഗ്ധരുടെ അനുമാനം.
ലാഭവിഹിതം
എൽ ഐ സി ലാഭവിഹിതം പ്രഖ്യാപിക്കുന്നു. 1.50 രൂപയാണ് ഒരു ഓഹരിക്കുള്ള ലാഭവിഹിതം. ഓഗസ്റ്റ് 26 ആണ് 'റെക്കോർഡ്' തീയതി ആയി നിശ്ചയിച്ചിരിക്കുന്നത്. ലാഭവിഹിതം പ്രഖ്യാപിച്ചതോടെയാണ് എൽ ഐ സി ഓഹരികൾ കഴിഞ്ഞ രണ്ടു ദിവസങ്ങളിലായി ഉയരുന്നതെന്ന അനുമാനമുണ്ട്.
English Summary : LIC Shares are moving up now..