ചെറുപ്പക്കാർക്ക് അനുയോജ്യം മ്യൂച്ചൽ ഫണ്ടുകൾ
Mail This Article
ചെറുപ്പക്കാർക്ക് മ്യൂച്ചൽ ഫണ്ട് നിക്ഷേപം എത്രത്തോളം സാധ്യതയുള്ള നിക്ഷേപമാർഗമാണെന്ന് യുടിഐ മ്യൂച്ച്വൽഫണ്ടിന്റെ എക്സിക്യൂട്ടിവ് വൈസ് പ്രസിഡന്റ് ലളിത് നമ്പ്യാർ വിശദീകരിക്കുന്നു
∙ചെറുപ്പക്കാർക്ക് മ്യൂച്ചൽ ഫണ്ട് നിക്ഷേപം എങ്ങനെ ഉപയോഗപ്പെടുത്താം?
പബ്ലിക് പ്രൊവിഡന്റ് ഫണ്ടിൽ ചെറുപ്പത്തിൽ തന്നെ നിക്ഷേപിച്ചു തുടങ്ങണമെന്നു പറയുന്നതു പോലെയാണ് ഇവിടെയും. ഘട്ടംഘട്ടമായി എസ്ഐപി നിക്ഷേപമാരംഭിച്ചാൽ കാലം ചെല്ലുന്തോറും കൂട്ടുപലിശയുടെ നേട്ടം കിട്ടും.ശരിയായ പഠനം നടത്തുന്ന ഒരാൾക്ക് ഈ മേഖലയിൽ നിന്ന് കാര്യമായ നേട്ടമുണ്ടാക്കാനാകും,ചെറുപ്പക്കാർക്ക് പ്രത്യേകിച്ചും.
100 ൽ നിന്ന് ഒരാളുടെ പ്രായം കുറക്കുമ്പോൾ കിട്ടുന്ന സംഖ്യയുടെ അത്രയും നിക്ഷേപം മ്യൂച്ചൽ ഫണ്ടിലാകാമെന്നണ് പൊതുവേ പറയുന്നത് . അതായത് 50 വയസുവരെയുള്ള ആൾക്ക് 50 ശതമാനം ഓഹരി അധിഷ്ഠിത വൻകിടഫണ്ടുകളിൽ നിക്ഷേപമാകാം. എങ്കിലും അയാൾ 30 വയസിൽ നിക്ഷേപമാരംഭിച്ചാൽ ഉണ്ടാക്കാവുന്ന നേട്ടം ഉയർന്നതായിരിക്കും.
∙കേരളീയർക്ക് മ്യൂച്ചൽ ഫണ്ട് നിക്ഷേപത്തോട് താൽപ്പര്യമേറിയിട്ടുണ്ടോ?
പ്രവാസി മലയാളികളാണ് മ്യൂച്ചൽഫണ്ടുകളോട് താൽപ്പര്യം പുലർത്തുന്നത് . സാധാരണക്കാര്ക്ക് സ്വര്ണം, റിയൽ എസ്റ്റേറ്റ് എന്നിവയാണ് ഇപ്പോഴും പ്രിയങ്കരം. കൂടുതൽ വായിച്ചറിഞ്ഞ് മറ്റുമേഖലകളിൽ താല്പ്പര്യം കൂടി വരുന്നുണ്ട്. എങ്കിലും ഇത്തരം മേഖലകളിൽ നിക്ഷേപിക്കുമ്പോൾ ക്ഷമ ആവശ്യമാണ്. 6 മാസം കൊണ്ട് വൻനേട്ടം കിട്ടുന്നത് തട്ടിപ്പ് നിക്ഷേപങ്ങളിൽ നിന്നുമാണ്. ചുരുങ്ങിയത് 10 കൊല്ലമെങ്കിലും ദീർഘകാല ആസൂത്രണത്തോടെ നിക്ഷേപിച്ചാലേ ഈ മേഖലകളിൽ നിന്നു നേട്ടം കിട്ടൂ.