ഓഹരികൾ സമ്മാനം നൽകിയാലോ?
Mail This Article
ഓഹരി വിപണി മുന്നേറുന്ന ഈ കാലത്തു ഓഹരികളോ ഇടിഎഫുകളോ , ബോണ്ടുകളോ സമ്മാനം ലഭിക്കുന്നത് തീർച്ചയായും എല്ലാവർക്കും ഇഷ്ടമാകും. ബന്ധുക്കൾക്കും, സുഹൃത്തുക്കൾക്കും, വിശേഷാവസരങ്ങളിൽ സമ്മാനം കൊടുക്കുവാൻ ഓഹരികളും, ഇടിഎഫുകളും, ബോണ്ടുകളും പോലുള്ള സാമ്പത്തിക സമ്മാനങ്ങൾ നൽകിയാലോ? ഇത്തരത്തിലുള്ള സമ്മാനങ്ങൾ നൽകാനുള്ള സൗകര്യം ഓൺലൈൻ ഓഹരി ബ്രോക്കിങ് രംഗത്തെ മുൻനിരക്കാരായ സിറോധ (zerodha.com ) ഒരുക്കുന്നു.
എങ്ങനെ സമ്മാനിക്കും
സിറോധയുടെ വെബ്സൈറ്റിൽ ചെന്ന് ഗിഫ്റ്റ് സ്റ്റോക്ക് എന്നതിൽ ക്ലിക്ക് ചെയ്ത് , സമ്മാനം കൊടുക്കേണ്ടയാളുടെ പേരും, ഫോൺ നമ്പറും, ഇമെയിൽ വിലാസവും നൽകുക. അതിനുശേഷം, ഓഹരികളാണോ, ബോണ്ടുകളാണോ, ഇടിഎഫുകളാണോ സമ്മാനം കൊടുക്കേണ്ടതെന്നതിനനുസരിച്ചു അവയുടെ എണ്ണം രേഖപ്പെടുത്തുക. സിരോധ അക്കൗണ്ട് ഇല്ലാത്ത ആളാണെങ്കിൽ ഏഴു ദിവസത്തിനുള്ളിൽ സിറോധയിൽ അക്കൗണ്ട് തുടങ്ങി സമ്മാനം സ്വീകരിക്കാം. ഏഴു ദിവസത്തിനുള്ളിൽ അക്കൗണ്ട് തുറന്നില്ലെങ്കിൽ സമ്മാനം ലഭിക്കുകയില്ല.
സമ്മാനം സ്വീകരിച്ചു കഴിയുമ്പോൾ അത് ഉദ്ദേശിച്ച ആൾക്ക് തന്നെയാണോ ലഭിച്ചതെന്ന് ഉറപ്പുവരുത്തുന്നതിനായി അയച്ചയാൾക്കു ഇമെയിൽ സന്ദേശം ലഭിക്കും. അത് ശരിയാണെന്ന് അംഗീകരിച്ചുകഴിഞ്ഞാൽ 'ഓൺലൈൻ ഇടപാട് പൂർത്തിയാകും. ഓഹരിവിലകൾ കുത്തനെ ഉയരുന്ന വേളയിൽ ഈ നിക്ഷേപമില്ലാത്തവരെ കൂടി ഓഹരിവിപണിയിലേക്കു കൊണ്ടുവരാനും ഈ സമ്മാനം വഴിയൊരുക്കും.
English Summary: Know More about Gifting of Share