ഗ്യാസ് വാങ്ങിക്കോളൂ, ചിലപ്പോൾ സമ്മാനം കിട്ടിയേക്കും

ഹിന്ദുസ്ഥാൻ പെട്രോളിയം കൊച്ചി റീജിയൻ എൽ പി ജി വിഭാഗം വിവിധ ഗ്യാസ് ഉൽപ്പന്ന ഉപഭോക്താക്കൾക്കായി 'അതിജീവനത്തിന്റെ പൊന്നോണം' പദ്ധതി ആരംഭിച്ചു. 5 കിലോ, 14.2 കിലോ, 19 കിലോ സിലിണ്ടറുകളുടെ പുതിയ കണക്‌ഷൻ എടുക്കുന്നവർക്കും സെക്കൻഡ് സിലിണ്ടർ, ഗ്യാസ് സ്റ്റൗവ് പുതിയതായും മാറ്റി വാങ്ങുന്നവരുമായ ഉപഭോക്താക്കൾക്കുമായാണ് സമ്മാനങ്ങളെന്ന് എച്ച് പി സി എൽ  റീജിയണൽ മാനേജർ സുനിൽകുമാർ ടി യു അറിയിച്ചു.

മലപ്പുറം മുതൽ തിരുവനന്തപുരം വരെയുള്ള ഹിന്ദുസ്ഥാൻ പെട്രോളിയം കോർപ്പറേഷന്റെ അംഗീകൃത ഏജൻസികളിൽനിന്നും ഒക്ടോബർ 27 വരെ സാധനങ്ങൾ വാങ്ങുമ്പോൾ  ലഭിക്കുന്ന കൂപ്പൺ നറുക്കെടുപ്പിലൂടെയാണ് സമ്മാനങ്ങൾ നൽകുന്നത്. ബമ്പർ സമ്മാനമായി കാറും, എൽ ഇ ഡി ടിവികളും വാഷിങ് മെഷീനുകളും മിക്സികളും ഗ്ലാസ് ടോപ് ഗ്യാസ് സ്റ്റൗവുകളും ലഭിക്കും. മൊബൈൽ ആപ്പുവഴി നടത്തുന്ന തെരെഞ്ഞെടുത്ത റീഫിൽ ബുക്കിങ് പേയ്‌മെന്റുകൾക്കും സമ്മാനങ്ങളുണ്ട്.

English Summary: Exciting Onam Offers from Hindustan Petroleum