വെള്ളക്കരം ഈടാക്കില്ല, പക്ഷെ വാട്ടർ ചാർജ് വൈകിയാൽ പിഴ ഉറപ്പ്!

വാട്ടർ ചാർജ് അടക്കാൻ വൈകിയാൽ ഇനി മുതൽ പണി കിട്ടും. ഗാർഹിക കണക്ഷനുകളുടെ ബില്ല് പിഴകൂടാതെ അടയ്ക്കാനുള്ള കാലാവധി 10 ദിവസമായി ചുരുക്കി. ഇതുവരെ ഒരു മാസത്തെ സാവകാശം നൽകിയിരുന്നു. 

സെപ്റ്റംബർ 1 മുതൽ പുതിയ നിർദ്ദേശം പ്രാബല്യത്തിൽ വരും.

പിഴയോടെ ബിൽ അടയ്ക്കാനുള്ള കാലാവധി 15 ദിവസം എന്നതിൽ മാറ്റമില്ല .കുടിശ്ശികയാകുന്ന ബില്ലിന് ഈടാക്കിയിരുന്ന പിഴ മാസം 5 രൂപ എന്നത് ഇനി മുതൽ 1 മാസത്തേക്ക് ബിൽ തുകയുടെ ഒരു ശതമാനം എന്നും ഒരു മാസം കഴിഞ്ഞാൽ ഒന്നര ശതമാനം എന്നും പുന:ക്രമീകരിച്ചു.

ഇനി ഇല്ല വെള്ളക്കരം 

ഇതിനിടെ വെള്ളക്കരം എന്ന വാക്കിനു പകരം വാട്ടർ ചാർജ് എന്നുപയോഗിക്കാൻ ജല അതോറിറ്റി തീരുമാനമെടുത്തു. വെള്ളക്കരം എന്ന വാക്ക് സമൂഹത്തിൽ തെറ്റായ സന്ദേശം നൽകുമെന്നതിനാലാണ് പുതിയ തീരുമാനം.

English Summary: Know These Changes Regarding Water Charge