ആപ്പുണ്ടാക്കാൻ കിടിലൻ ആശയമുണ്ടോ? കിട്ടും 25 ലക്ഷം!
Mail This Article
നിങ്ങൾക്ക് മൊബൈൽ ആപ് ഉണ്ടാക്കാൻ അറിയാമോ? തകർപ്പൻ ആശയങ്ങൾ ഉണ്ടോ? എങ്കിൽ 25 ലക്ഷം രൂപ വരെ സമ്മാനം നേടാം! മികച്ച ഇന്ത്യൻ മൊബൈൽ ആപ്പുകൾ കണ്ടെത്താൻ കേന്ദ്ര ഐ ടി മന്ത്രാലയം സംഘടിപ്പിക്കുന്ന ആപ് ഇന്നവേഷൻ ചാലഞ്ചിലേക്ക് ഇപ്പോൾ എൻട്രികൾ സമർപ്പിക്കാം.
∙ആർക്ക് പങ്കെടുക്കാം?
ഹൈസ്കൂൾ, കോളേജ് വിദ്യാർത്ഥികൾ ഉൾപ്പെടെ ഇന്ത്യക്കാരായ ആർക്കും മത്സരത്തിൽ പങ്കെടുക്കാം. പരമാവധി 4 പേർ വീതമുള്ള ടീമായി മത്സരിക്കാം. നാസ്കോം, ഐ ടി മന്ത്രാലയം, നീതി ആയോഗ് എന്നിവയിൽ നിന്നുള്ള ജൂറി പാനലായിരിക്കും എൻട്രികൾ വിലയിരുത്തുന്നത്.
∙മത്സരവിഭാഗങ്ങൾ
സംസ്കാരവും പൈതൃകവും, ആരോഗ്യം, വിദ്യാഭ്യാസം, സമൂഹ മാധ്യമം, എമർജിങ് ടെക്, സ്കിൽസ്, വാർത്ത, ഗെയിംസ്, വിനോദം, ഫിറ്റ്നെസ്, കൃഷി, ബിസിനസ് ആൻഡ് റീട്ടെയ്ൽ ഫിൻ ടെക്, നാവിഗേഷൻ, ഓഫീസ് സംബന്ധമായവ തുടങ്ങിയ വിഭാഗങ്ങളിൽ മത്സരിക്കാം
∙സമ്മാനങ്ങൾ എന്തെല്ലാം?
ഓരോ വിഭാഗത്തിലും ഒന്ന്, രണ്ട്, മൂന്ന് സ്ഥാനങ്ങളിൽ എത്തുന്നവർക്ക് 25 ലക്ഷം, 15 ലക്ഷം,10 ലക്ഷം വീതം സമ്മാനം ലഭിക്കും. സെപ്റ്റംബർ 30 ആണ് അവസാന തീയ്യതി. innovateindia.mygov.in ലൂടെയാണ് എൻട്രികൾ സമർപ്പിക്കേണ്ടത്.
English Summary: You may Win 25 Lakh If You have Stunning Mobile App Idea