പത്താം ക്ലാസിൽ ഫുൾ എപ്ലസ് ഉണ്ടോ? സർക്കാർ സ്കോളർഷിപ്പിന് നാളെക്കൂടി അപേക്ഷിക്കാം
Mail This Article
ഇക്കഴിഞ്ഞ എസ് എസ് എൽ സി പരീക്ഷയ്ക്ക് എല്ലാ വിഷയങ്ങളിലും എ പ്ലസ് വാങ്ങി വിജയിച്ച ന്യൂനപക്ഷ വിഭാഗത്തിൽപ്പെടുന്ന വിദ്യാർത്ഥിയാണോ നിങ്ങൾ? എങ്കിൽ നിങ്ങൾക്ക് 10000 രൂപ സ്കോളർഷിപ്പിന് അർഹതയുണ്ട്.
സംസ്ഥാന ന്യൂനപക്ഷ ക്ഷേമ വകുപ്പു നൽകുന്ന പ്രൊഫ. ജോസഫ് മുണ്ടശ്ശേരി സ്കോളർഷിപ്പിന് (2020-21) ഇപ്പോൾ അപേക്ഷിക്കാം. ടി എച്ച് എസ് എൽ സി / പ്ലസ് ടു/ വി എച്ച് എസ് ഇ പരീക്ഷകളിൽ ഫുൾ എപ്ലസ് നേടിയവർക്കും സ്കോളർഷിപ്പ് കിട്ടും.
ബി പി എൽ വിഭാഗത്തിൽപ്പെട്ടവർക്കാണ് മുൻഗണനയെങ്കിലും ഇത്തരം അപേക്ഷകരുടെ അഭാവത്തിൽ മറ്റുള്ളവരെയും പരിഗണിക്കും. കുടുംബ വാർഷിക വരുമാനം 8 ലക്ഷം രൂപയിൽ കവിയരുത്.
www.minoritywelfare.kerala.gov.in എന്ന വെബ് സൈറ്റിലൂടെ ഓൺലൈനായി അപേക്ഷിക്കാം. റജിസ്ട്രേഷൻ ഫോറത്തിന്റെ പ്രിന്റ് ഔട്ട് ബന്ധപ്പെട്ട രേഖകൾ സഹിതം പഠിച്ചിരുന്ന സ്ഥാപന മേധാവിക്ക് സമർപ്പിക്കണം. അപേക്ഷ ലഭിച്ചിരിക്കേണ്ട അവസാന തിയതി 2021 ഒക്ടോബർ 27. കൂടുതൽ വിവരങ്ങൾക്ക്: 0471-2300524
English Summary: Last Date for Prof. Joseph Mundassery Scholarship for SSLC Students will be Tomorrow