ടാക്സ് പേയർ സിറ്റിസൺ കോണ്ടസ്റ്റിലെ ആദ്യ വി‍ജയി റിസാന ഫസൽ; സമ്മാനം ഒരു പവൻ സ്വർണനാണയം

മനോരമ ഓൺലൈനും മലബാർ ഗോൾഡ് ആന്റ് ഡയമണ്ട്സുമായി ചേർന്നു സംഘടിപ്പിക്കുന്ന ടാക്സ് പേയർ സിറ്റിസൺ കോണ്ടസ്റ്റിലെ ആദ്യ വിജയിയായി റിസാന ഫസൽ. ഒരു പവൻ സ്വർണനാണയമാണ് സമ്മാനം. എറണാകുളത്ത് എളമക്കര സ്വദേശിയായ റിസാന. സാധനങ്ങൾ വാങ്ങുമ്പോൾ ജിഎസ്ടി അടച്ച ബിൽ വാങ്ങിയിട്ടുള്ളവർക്കാണ് റെസ്പോൺസിബിൾ ടാക്സ്പേയർ മൽസരത്തിൽ പങ്കെടുക്കാനവസരം. ആദ്യ ആഴ്ചയിൽ പങ്കെടുത്തവരിൽ നിന്ന് നറുക്കെടുപ്പിലൂടെയാണ് റിസാന ഫസൽ വിജയിയായത്.

റിസാന ഫസൽ വിജയിയായതെങ്ങനെ?

റഷ്യയിൽ കസാക്കിസ്ഥാനിൽ മൂന്നാം വർഷ മെഡിക്കൽ വിദ്യാർത്ഥിനിയാണ്. ഇപ്പോൾ നാട്ടിലുള്ള റിസാന വീടിനടുത്തുള്ള തുണിക്കടയിൽ നിന്ന് വസ്ത്രങ്ങൾ വാങ്ങിയതിന്റെ ബില്ലാണ് മൽസരത്തിനായി സമർപ്പിച്ചത്. എന്ത് ഉൽപ്പന്നം വാങ്ങിയാലും ബില്ല് ചോദിച്ചു വാങ്ങുന്ന ശീലമുള്ളത് മനോരമ ഓൺലൈൻ –  മലബാർ ഗോൾഡ് റെസ്പോൺസിബിൾ സിറ്റിസൺ മൽസരത്തിൽ ആദ്യ വിജയിയാകാൻ വഴിയൊരുക്കിയതിൽ സന്തോഷമുണ്ടെന്ന് റിസാന പറഞ്ഞു. ചെറിയ സാധനമാണെങ്കിൽ പോലും ബില്ല് ചോദിച്ചു വാങ്ങുന്നത് ഒരു ശീലമാക്കണമെന്നാണ് റിസാനയ്ക്ക് പറയാനുള്ളത്. ഈ അഭിപ്രായത്തോട് മൽസരത്തിൽ മകൾക്കൊപ്പം പങ്കെടുത്ത അമ്മ റസിയ ഫസലും യോജിക്കുന്നു. പിതാവ് ഫസൽ കെ എച്ച് റിയൽ എസ്റ്റേറ്റ് ബിസിനസിലാണ്.

അടുത്ത ആഴ്ചത്തെ സ്വർണനാണയം നിങ്ങൾക്കാകാം?

1000 രൂപയിൽ കുറയാത്ത സാധനം വാങ്ങിയതിന്റെ ജിഎസ്ടി ബിൽ കൈയിലുണ്ടോ? മാർച്ച് 20 ശേഷം പേയ്മെന്റ് നടത്തിയ ബില്ലായിരിക്കണം. പ്രസ്തുത ബില്ലിന്റെ നമ്പറും തിയതിയും തുകയും റെസ്പോൺസിബിൾ സിറ്റിസൺ പദ്ധതിയുടെ സൈറ്റിൽ (www.manoramaonline.com/citizen) സബ്മിറ്റ് ചെയ്യുക. തിരഞ്ഞെടുക്കപ്പെടുന്നവർക്ക് ഒരു പവൻ സമ്മാനമായി ലഭിക്കും. അടുത്ത ആഴ്ചയിലെ വിജയി നിങ്ങളാണെങ്കിലോ?

എന്താണ് റെസ്പോൺസിബിൾ സിറ്റിസൺ പദ്ധതി?

ലോകമെമ്പാടുമുള്ള സഹജീവികളെ സമൂഹത്തോട് കൂടുതൽ ഉത്തരവാദിത്തവും പ്രതിബദ്ധതയുമുള്ളവരാക്കി തീർക്കാൻ പ്രേരിപ്പിക്കുന്ന ഒരു സാമൂഹിക-അവബോധ പ്രചാരണത്തിനുള്ള ശ്രമമാണ് മനോരമ ഓൺലൈൻ മലബാർ ഗോൾഡ് ആൻഡ് ഡയമണ്ട്സുമായി ചേർന്ന് ഒരുക്കുന്ന റെസ്പോൺസിബിൾ സിറ്റിസൺ പദ്ധതി. കൂടുതൽ വിവരങ്ങളറിയാൻ ഇവിടെ ക്ലിക്ക് ചെയ്യുക.

നേര് ശീലമാക്കാം, കടമകൾ മറക്കാതിരിക്കാം

ഉത്തരവാദിത്വമുള്ളൊരു പൗരന്റെ കടമയാണ് നികുതി അടയ്ക്കുക എന്നത്. നമ്മൾ നൽകുന്ന നികുതി നാടിന്റെയും നമ്മുടെയും വികസനത്തിന്, മുന്നേറ്റത്തിന് അനിവാര്യമാണ്. അതുകൊണ്ട് തന്നെ നമ്മൾ വാങ്ങുന്ന ഓരോ ഉത്പന്നത്തിനും നികുതി അടയ്ക്കുന്നു എന്ന് ബിൽ കൈപ്പറ്റി ഉറപ്പുവരുത്തുന്നത് ശീലമാക്കണം. ഇത് പ്രോൽസാഹിപ്പിക്കുന്നതിനുള്ള സാമൂഹ്യ ഉത്തരവാദിത്തം ഏറ്റെടുക്കുന്നതിന്റെ ഭാഗമായാണ് സ്വർണ നാണയം സമ്മാനമൊരുക്കി മനോരമ ഓൺലൈനും മലബാർ ഗോൾഡും കൈകോർക്കുന്നത്.

English Summary : Risana Fazal is the First Winner in Tax Payer Citizen Contest