ടാക്സ് പേയർ മത്സരത്തിലെ ഈ ആഴ്ചയിലെ വിജയി ടി എസ് പ്രദീപ്, സമ്മാനം ഒരു പവൻ സ്വർണനാണയം

മനോരമ ഓൺലൈനും മലബാർ ഗോൾഡ് ആന്റ് ഡയമണ്ട്സുമായി ചേർന്നു സംഘടിപ്പിക്കുന്ന ടാക്സ് പേയർ സിറ്റിസൺ മത്സരത്തിലെ രണ്ടാമത്തെ വിജയിയായി ടി എസ് പ്രദീപ്. ഒരു പവൻ സ്വർണനാണയമാണ് സമ്മാനം. ഇരിങ്ങാലക്കുട സ്വദേശിയായ പ്രദീപ് കൊച്ചി നേവൽബേസിൽ ഓഫീസ് സൂപ്രണ്ടന്റാണ്. സാധനങ്ങളോ സേവനങ്ങളോ വാങ്ങുമ്പോൾ ജിഎസ്ടി അടച്ച ബിൽ വാങ്ങിയിട്ടുള്ളവർക്കാണ് റെസ്പോൺസിബിൾ ടാക്സ്പേയർ മൽസരത്തിൽ പങ്കെടുക്കാനവസരം. രണ്ടാമത്തെ ആഴ്ചയിൽ പങ്കെടുത്തവരിൽ നിന്ന് നറുക്കെടുപ്പിലൂടെയാണ് പ്രദീപ് വിജയിയായത്.

ടി എസ് പ്രദീപ് വിജയിയായതെങ്ങനെ?

കാർ വർക് ഷോപ്പിൽ റിപ്പയറിങ്ങിനായി നൽകിയതിന്റെ തുകയടച്ച ബില്ലാണ് പ്രദീപ് മൽസരത്തിനയച്ചത്. എന്ത് ഉൽപ്പന്നം വാങ്ങിയാലും സേവനം നേടിയാലും ബില്ല് ചോദിച്ചു വാങ്ങുന്ന ശീലമുള്ള പ്രദീപ് അത് എന്തെങ്കിലും ആവശ്യത്തിനു വേണ്ടി വരുമോ എന്ന് കരുതി കുറച്ചു കാലത്തേക്ക് സൂക്ഷിച്ചു വയ്ക്കുകയും ചെയ്യാറുണ്ട്. മനോരമ ഓൺലൈൻ –  മലബാർ ഗോൾഡ് റെസ്പോൺസിബിൾ സിറ്റിസൺ മൽസരത്തിൽ പങ്കെടുക്കാനും വിജയിയാകാനും കഴിഞ്ഞതിൽ സന്തോഷമുണ്ടെന്ന് പ്രദീപ് പറഞ്ഞു. ഇദ്ദേഹത്തിന്റെ പത്നി പ്രീതിയും ബില്ല് വാങ്ങി സൂക്ഷിക്കുന്ന ശീലമുള്ള ആളാണ്.

അടുത്ത ആഴ്ചത്തെ സ്വർണനാണയം നിങ്ങൾക്കാകാം?

1000 രൂപയിൽ കുറയാത്ത സാധനം വാങ്ങിയതിന്റെ ജിഎസ്ടി ബിൽ കൈയിലുണ്ടോ? മാർച്ച് 20 ശേഷം പേയ്മെന്റ് നടത്തിയ ബില്ലായിരിക്കണം. പ്രസ്തുത ബില്ലിന്റെ നമ്പറും തിയതിയും തുകയും റെസ്പോൺസിബിൾ സിറ്റിസൺ പദ്ധതിയുടെ സൈറ്റിൽ (www.manoramaonline.com/citizen) സബ്മിറ്റ് ചെയ്യുക. തിരഞ്ഞെടുക്കപ്പെടുന്നവർക്ക് ഒരു പവൻ സമ്മാനമായി ലഭിക്കും. അടുത്ത ആഴ്ചയിലെ വിജയി നിങ്ങളാണെങ്കിലോ?

എന്താണ് റെസ്പോൺസിബിൾ സിറ്റിസൺ പദ്ധതി?

ലോകമെമ്പാടുമുള്ള സഹജീവികളെ സമൂഹത്തോട് കൂടുതൽ ഉത്തരവാദിത്തവും പ്രതിബദ്ധതയുമുള്ളവരാക്കി തീർക്കാൻ പ്രേരിപ്പിക്കുന്ന ഒരു സാമൂഹിക-അവബോധ പ്രചാരണത്തിനുള്ള ശ്രമമാണ് മനോരമ ഓൺലൈൻ മലബാർ ഗോൾഡ് ആൻഡ് ഡയമണ്ട്സുമായി ചേർന്ന് ഒരുക്കുന്ന റെസ്പോൺസിബിൾ സിറ്റിസൺ പദ്ധതി. കൂടുതൽ വിവരങ്ങളറിയാൻ ഇവിടെ ക്ലിക്ക് ചെയ്യുക.

നേര് ശീലമാക്കാം, കടമകൾ മറക്കാതിരിക്കാം

ഉത്തരവാദിത്വമുള്ളൊരു പൗരന്റെ കടമയാണ് നികുതി അടയ്ക്കുക എന്നത്. നമ്മൾ നൽകുന്ന നികുതി നാടിന്റെയും നമ്മുടെയും വികസനത്തിന്, മുന്നേറ്റത്തിന് അനിവാര്യമാണ്. അതുകൊണ്ട് തന്നെ നമ്മൾ വാങ്ങുന്ന ഓരോ ഉത്പന്നത്തിനും നികുതി അടയ്ക്കുന്നു എന്ന് ബിൽ കൈപ്പറ്റി ഉറപ്പുവരുത്തുന്നത് ശീലമാക്കണം. ഇത് പ്രോൽസാഹിപ്പിക്കുന്നതിനുള്ള സാമൂഹ്യ ഉത്തരവാദിത്തം ഏറ്റെടുക്കുന്നതിന്റെ ഭാഗമായാണ് സ്വർണ നാണയം സമ്മാനമൊരുക്കി മനോരമ ഓൺലൈനും മലബാർ ഗോൾഡും കൈകോർക്കുന്നത്.

English Summary : T S Pratheep is This Weeks Winner in Tax Payer Citizen Contest