കടം വാങ്ങിയ തുക തിരികെ കിട്ടിയാൽ നികുതി നൽകണോ?

 ചോദ്യം:വർഷങ്ങൾക്കു മുൻപ് സുഹൃത്തു കടം വാങ്ങിയ അഞ്ചു ലക്ഷം രൂപ അടുത്തിടെ തിരികെ നല്കി. 

പണമായാണ് അത് തന്നത് പലപ്പോഴായി കിട്ടിയ പണം നികുതിവശങ്ങളെക്കുറിച്ച് അറിഞ്ഞിട്ട് ബാങ്കിലിടാമെന്നു കരുതി വീട്ടിൽ സൂക്ഷിച്ചിരിക്കുകയാണ്. ഈ പണം നിയമവിധേയമായിത്തന്നെ വിനിയോഗിക്കാൻ എന്തുചെയ്യണം?

ഉത്തരം:  താങ്കളുടെ കടം വീട്ടാനായി സുഹൃത്ത് നൽകിയ പണം താങ്കളുടെ വരുമാനം അല്ല. അതിനു താങ്കൾ നികുതി അടയ്‌ക്കേണ്ടതില്ല.

റൂൾ 114E പ്രകാരം പണമായി അക്കൗണ്ടിൽ വരുന്ന തുകയുടെ വിവരങ്ങൾ ബാങ്ക് നികുതിവകുപ്പിനെ അറിയിക്കും. അതിനാൽ ഈ തുക ബാങ്കിലിട്ടാൽ ആ തുകയുടെ ഉറവിടത്തെക്കുറിച്ചു ആദായ നികുതി വകുപ്പിൽനിന്ന് നോട്ടിസ് പ്രതീക്ഷിക്കാം. അപ്പോൾ സുഹൃത്തിനു കടം നൽകിയതു തിരിച്ചു കിട്ടിയതാണെന്നതിനു  തെളിവു ഹാജരാക്കേണ്ടി വരാം. ശരിയായ വിശദീകരണം നൽകിയില്ലെങ്കിൽ (വകുപ്പ് 69A പ്രകാരം) ആ മുഴുവൻ തുകയും (unexplained money) വരുമാനമായി കണക്കാക്കാം. ഈ തുകയ്ക്ക് വകുപ്പ് 115BBE പ്രകാരം 60% നികുതി ബാധകമാണ്.