sections
MORE

ആദായ നികുതി റീഫണ്ട് കിട്ടാന്‍ എന്തു ചെയ്യണം

HIGHLIGHTS
  • കൃത്യമായി റിട്ടേണ്‍ സമര്‍പ്പിച്ചാല്‍ അധികമായി നിങ്ങളില്‍ നിന്ന് ഈടാക്കിയ റ്റി.ഡി.എസ് തുക ആദായനികുതി വകുപ്പ് തിരികെ നല്‍കും
money 845
SHARE

ഈ വര്‍ഷം ഇന്‍കം ടാക്‌സ് റിട്ടേണ്‍ ഈ ഫയലിങ് സ്വയം ചെയ്യാം-26


നിങ്ങളുടെ തൊഴിലുടമ കൂടുതല്‍ തുക ആദായനികുതിയായി മുന്‍കൂര്‍ പിടിച്ചെങ്കില്‍ അതേക്കുറിച്ച് ആശങ്കപ്പെടണ്ട. അതുപോലെ നിങ്ങളുടെ ബാങ്ക് നിക്ഷേപത്തിന് നല്‍കിയ പലിശയില്‍ നിന്ന് റ്റി.ഡി.എസ് പിടിച്ചെങ്കിലും വിഷമിക്കേണ്ട. മറ്റേതെങ്കിലും മാര്‍ഗത്തില്‍ നിങ്ങളുടെ സേവനത്തിനോ ജോലിക്കോ ലഭിച്ച തുകയില്‍ നിന്ന് റ്റി.ഡി.എസ് പിടിച്ചിട്ടുണ്ടൈങ്കിലും ആശങ്കവേണ്ട. കൃത്യമായി ആദായനികുതി റിട്ടേണ്‍ സമര്‍പ്പിച്ചാല്‍ അധികമായി നിങ്ങളില്‍ നിന്ന് ഈടാക്കിയ റ്റി.ഡി.എസ് തുക ആദായനികുതി വകുപ്പ് തിരികെ നല്‍കും. ടാക്‌സ് റീ ഫണ്ട് എന്നാണ് ഇതിനു പറയുന്നത്.

ഈ തുക കാഷ് ആയി നേരിട്ടോ ചെക്ക് മുഖേന തപാലിലോ നല്‍കില്ല. നിങ്ങളുടെ ബാങ്ക് അക്കൗണ്ടില്‍ നേരിട്ട് ക്രെഡിറ്റ് ആയി വരും. ഇതിനായി ടാക്‌സ് റിട്ടേണ്‍് ഫോമില്‍ ബാങ്ക് അക്കൗണ്ട് വിവരം നല്‍കണം. റിട്ടേണ്‍ ഫോമില്‍ നിലവിലുള്ള നിങ്ങളുടെ എല്ലാ ബാങ്ക് അക്കൗണ്ട് വിവരങ്ങളും ഐ.എഫ്.എസ്.സി കോഡ് സഹിതം നല്‍കണം എന്നറിയാമല്ലോ. ടാക്‌സ് റീ ഫണ്ട് ഏത് അക്കൗണ്ടിലാണ് ക്രെഡിറ്റ് ചെയ്യേണ്ടത് ആ അക്കൗണ്ട് പ്രത്യേകം തിരഞ്ഞെടുത്ത് റിട്ടേണ്‍ ഫോമില്‍ കാണിച്ചിരിക്കണം. ഓര്‍ക്കുക, ഇങ്ങനെ അക്കൗണ്ട് തിരഞ്ഞെടുക്കുമ്പോള്‍ അത് ആധാറും പാനുമായി ബന്ധിപ്പിച്ചിട്ടുള്ള അക്കൗണ്ട് തന്നെയാകാന്‍ ശ്രദ്ധിക്കുക. ഈ അക്കൗണ്ട് പ്രീവാലിഡേറ്റ് ചെയ്തിരിക്കുകയും വേണം. പ്രീ വാലിഡേറ്റ് ചെയ്യാന്‍ അക്കൗണ്ടും പാന്‍ നമ്പരും തമ്മില്‍ ബന്ധിപ്പിച്ചിരിക്കണം.

ബാങ്ക് അക്കൗണ്ട് പ്രീവാലിഡേറ്റ് ചെയ്യാനുള്ള നടപടികള്‍

1. ആദ്യം incometaxindiaefiling    എന്ന വെബ് പോര്‍ട്ടല്‍ സന്ദര്‍ശിക്കുക.

2. ലോഗിന്‍ ചെയ്ത് ഡാഷ്‌ബോര്‍ഡില്‍ പ്രവേശിക്കുക.

3.. ഡാഷ് ബോര്‍ഡില്‍ പ്രവേശിച്ചശേഷം അതിലെ  പ്രൊഫൈല്‍ സെറ്റിങ്‌സ് ടാബ്  എടുക്കുക. മൈ പ്രൈഫൈല്‍ ചെയ്ഞ്ച് പാസ്വേര്‍ഡ് തുടങ്ങി നിരവധി ഓപ്ഷന്‍സ് പ്രൈഫൈല്‍ സെറ്റിങ്‌സില്‍ ഉണ്ടാകും.

4.അതില്‍ നിന്ന്  പ്രീവാലിഡേറ്റ് യുവര്‍ അക്കൗണ്ട് ഓപ്ഷന്‍ തിരഞ്ഞെടുക്കുക. നിങ്ങള്‍ മറ്റേതെങ്കിലും അക്കൗണ്ട് നേരത്തെ പ്രീവാലിഡേറ്റ് ചെയ്തിട്ടുണ്ട് എങ്കില്‍ അവയുടെ പട്ടിക ഇവിടെ കാണാം. പുതിയ അക്കൗണ്ടാണ് പ്രീവാലിഡേറ്റ് ചെയ്യുന്നതെങ്കില്‍ ആഡ് ബട്ടണില്‍ ക്ലിക്ക് ചെയ്യണം.

5. ആഡ് ബട്ടണില്‍ ക്ലിക്ക് ചെയ്താല്‍ പുതിയ ഒരു പേജ് തുറന്നുവരും.  ഇതില്‍ ബാങ്ക് അക്കൗണ്ട് നമ്പര്‍, ഐ.എഫ്.എസ്.സി കോഡ്, ബാങ്കിന്റെ പേര്, നിങ്ങളുടെ മൊബോല്‍ നമ്പര്‍, ഇ മെയില്‍ ഐ.ഡി എന്നിവ നല്‍കണം. ബാങ്ക് അക്കൗണ്ട് എടുത്തപ്പോള്‍ നല്‍കിയിരിക്കുന്ന മൊബൈല്‍ നമ്പരും ഇമെയിലും  വേണം നല്‍കേണ്ടത്.

6.എല്ലാ വിവരങ്ങളും ശരിയായി നല്‍കിക്കഴിഞ്ഞാല്‍ പ്രീവാലിഡേറ്റ് എന്ന ബട്ടണില്‍ അമര്‍ത്തുക. പ്രീവാലിഡേറ്റ് ചെയ്യാനുള്ള നിങ്ങളുടെ അപേക്ഷയുടെ സ്റ്റാറ്റസ് നിങ്ങളുടെ രജിസ്‌ടേര്‍ഡ് ഇ മെയിലില്‍ ലഭിക്കും.

7.ടാക്‌സ് റിട്ടേണ്‍ ഫയല്‍ ചെയ്തതിനു ശേഷമോ അതിനു മുമ്പോ അക്കൗണ്ട് പ്രീവാലിഡേറ്റ് ചെയ്യാം. നിങ്ങള്‍ മറ്റേതെങ്കിലും ബാങ്ക് അക്കൗണ്ടുകള്‍ പ്രീവാലിഡേറ്റ് ചെയ്തിട്ടുണ്ടെങ്കില്‍ അത് പോര്‍ട്ടലില്‍ ലോഗിന്‍ ചെയ്ത് പ്രീവാലിഡേഷന്‍ ഭാഗം തിരഞ്ഞെടുക്കുമ്പോള്‍ കാണാന്‍ കഴിയും.

8. നിലവില്‍ പ്രീവാലിഡേറ്റ് ചെയ്തിട്ടുള്ള  അക്കൗണ്ട് പോര്‍ട്ടലില്‍ നിന്ന് നീക്കം ചെയ്യണം എങ്കില്‍ അക്കൗണ്ട് സെലകട് ചെയ്തശേഷം റിമൂവ് ബട്ടണില്‍ അമര്‍ത്തിയാല്‍ മതി.

റിട്ടേണ്‍ സമര്‍പ്പിക്കാന്‍ ഏതൊക്കെ രേഖകള്‍ ആവശ്യമാണ് എന്നതിനെക്കറിച്ച് നാളെ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TAX
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA