sections
MORE

ന്യൂസീലൻഡിന് പരമ്പര വിജയം, ജയത്തിലേക്ക് ദക്ഷിണാഫ്രിക്ക

Thisara Perera
SHARE

മൗണ്ട് മൗംഗാനുയി (ന്യൂസീലൻഡ്) ∙ തിസാര പെരേര നേടിയ തകർപ്പൻ സെഞ്ചുറി (140) അർഥശൂന്യമാക്കി ശ്രീലങ്കയ്ക്കെതിരെ രണ്ടാം ഏകദിനത്തിൽ ന്യൂസീലൻഡിന് 21 റൺസ് വിജയം. ജയത്തോടെ പരമ്പരയും കിവീസ് പേരിലാക്കി. 22 പന്ത് ശേഷിക്കെ ജയിക്കാൻ 22 റൺസ് വേണ്ടിയിരിക്കെയാണ് ശ്രീലങ്കയുടെ തോൽവി. 

സ്കോർ: ന്യൂസീലൻഡ് – ഏഴിന് 319; ശ്രീലങ്ക– 46.2 ഓവറിൽ 298ന് ഓൾഔട്ട്. 

ന്യൂസീലൻഡിന്റെ വമ്പൻ സ്കോർ പിന്തുടരുന്നതിനിടെ ഏഴിന് 128 എന്ന നിലയ്ക്കു വീണുപോയ ശ്രീലങ്കയെ വിജയത്തിനു തൊട്ടരികെ വരെ എത്തിക്കാൻ തിസാര പെരേരയ്ക്കു സാധിച്ചു. 74 പന്തുകളിൽ 13 സിക്സറും 8 ഫോറുകളും ഉൾപ്പെടെ കണ്ണ‍ഞ്ചിപ്പിക്കുന്ന ബാറ്റിങ് പ്രകടനമാണു പെരേര കാഴ്ചവച്ചത്. 

ഏകദിനത്തിൽ ഏറ്റവുമധികം സിക്സറടിക്കുന്ന ശ്രീലങ്കൻ ക്രിക്കറ്ററെന്ന റെക്കോർഡ്  തിസാര പെരേരയ്ക്ക്. 1996ൽ പാക്കിസ്ഥാനെതിരെ സനത് ജയസൂര്യ നേടിയ 11 സിക്സറുകളുടെ റെക്കോർഡാണ് പെരേര 13 ആക്കിയത്. 

ദക്ഷിണാഫ്രിക്ക ജയത്തിലേക്ക്

ന്യൂലാൻഡ്സ് ∙ പാക്കിസ്ഥാനെതിരായ രണ്ടാം ക്രിക്കറ്റ് ടെസ്റ്റിലും ദക്ഷിണാഫ്രിക്ക ജയത്തിലേക്ക്. രണ്ടാം ഇന്നിങ്സിൽ ഡെയ്ൽ സ്റ്റെയ്നിന്റെയും റബാദയുടെയും പന്തുകൾക്കു മുന്നിൽ തകർന്നടിഞ്ഞ പാക്കിസ്ഥാൻ 294 റൺസിനു പുറത്തായി. രണ്ടാം ഇന്നിങ്സിൽ 41 റൺസ് നേടിയാൽ ദക്ഷിണാഫ്രിക്കയ്ക്കു മൽസരം ജയിക്കാം. സ്കോർ പാക്കിസ്ഥാൻ 177, 294; ദക്ഷിണാഫ്രിക്ക 431.  സ്റ്റെയ്നും റബാദയും ഇന്നലെ 4 വിക്കറ്റ് വീതം വീഴ്ത്തി. ആസാദ് ഷഫീഖ് (88), ബാബർ അസം (72), ഷാൻ മസൂദ് (61) എന്നിവരുടെ ബാറ്റിങ് പ്രകടനമാണ് പാക്കിസ്ഥാനെ ഇന്നിങ്സ് തോൽവിയിൽനിന്നു രക്ഷിച്ചത്. 3 മൽസര പരമ്പരയിലെ ആദ്യ ടെസ്റ്റ് ദക്ഷിണാഫ്രിക്ക ജയിച്ചിരുന്നു. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN CRICKET
SHOW MORE
FROM ONMANORAMA