സുഗന്ധം പരത്തുന്ന് പന്ത് ! (ഋഷഭ് പന്ത് അല്ല)

അഡ്‌ലെയ്ഡ് ∙ ഓസ്ട്രേലിയ – പാക്കിസ്ഥാൻ ടെസ്റ്റിനു കമന്ററി പറയുന്നതിനിടെ മുൻ ഓസീസ് പേസർ ബ്രെറ്റ് ലീക്ക് പാക്ക് മുൻ താരം വസീം അക്രം ഒരു ‘പന്ത്’ സമ്മാനിച്ചു. ‘ഇത്രയധികം വിക്കറ്റുകൾ വീഴ്ത്താൻ താങ്കള‌െ സഹായിച്ചത് ഇതായിരുന്നോ’ എന്ന ചോദ്യവുമായി ലീ സമ്മാനവിവരം ട്വിറ്ററിൽ പങ്കുവച്ചു.

എന്നാൽ, ആ പന്ത് വെറുമൊരു പന്തായിരുന്നില്ല. ഒരു ക്രിക്കറ്റ് പന്തിന്റെ ആകൃതിയിലുള്ള പെർഫ്യൂം കുപ്പിയാണ് അക്രം ലീക്കു സമ്മാനിച്ചത്. അക്രത്തിന്റെ നേട്ടങ്ങളെ ആദരിക്കാൻ ജെ ഡോട്ട് പെർഫ്യൂം കമ്പനി പുറത്തിറക്കിയതാണ് ഉൽപന്നം. ടെസ്റ്റിലെ അക്രത്തിന്റെ വിക്കറ്റ് നേട്ടം പന്തിൽ രേഖപ്പെടുത്തിയിട്ടുമുണ്ട്. 

English summary: Akram gifts perfume to Brett Lee