sections
MORE

അർധസെഞ്ചുറി കൂട്ടുകെട്ടുമായി ബെയർസ്റ്റോ – ലോറൻസ്; ഇംഗ്ലണ്ടിന് ജയം

england-celebration-wicket
ശ്രീലങ്കയ്‌ക്കെതിരായ മത്സരത്തിനിടെ ഇംഗ്ലണ്ട് താരങ്ങൾ (ട്വിറ്റർ ചിത്രം)
SHARE

ഗോൾ ∙ ശ്രീലങ്കയ്ക്കെതിരായ ആദ്യ ടെസ്റ്റിന്റെ അവസാന ദിനം ‘ഫോർമാലിറ്റികൾ’ പെട്ടെന്ന് തീർത്ത ഇംഗ്ലണ്ടിന് ഏഴു വിക്കറ്റ് വിജയം. 74 റൺസ് വിജയലക്ഷ്യവുമായി ബാറ്റിങ്ങിന് ഇറങ്ങിയ ഇംഗ്ലണ്ട് നാലാം ദിനം അവസാന സെഷനിൽ വെറും 14 റൺസിനിടെ മൂന്നു വിക്കറ്റ് നഷ്ടമാക്കി തകർന്നെങ്കിലും, കൂടുതൽ വിക്കറ്റ് നഷ്ടം കൂടാതെ വിജയം പിടിച്ചെടുത്തു. പിരിയാത്ത നാലാം വിക്കറ്റിൽ അർധസെഞ്ചുറി കൂട്ടുകെട്ട് തീർത്ത ജോണി ബെയർസ്റ്റോ – ഡാനിയൽ ലോറൻസ് സഖ്യമാണ് ടീമിന് വിജയം സമ്മാനിച്ചത്.

സ്കോർ: ശ്രീലങ്ക 135 & 359, ഇംഗ്ലണ്ട് 421 & 76/3

ഇംഗ്ലണ്ടിന്റെ ടോപ് സ്കോററായ ബെയർസ്റ്റോ 65 പന്തിൽ രണ്ടു ഫോറുകൾ സഹിതം 35 റൺസുമായി പുറത്താകാതെ നിന്നു. ലോറൻസ് 52 പന്തിൽ 21 റൺസുമായി കൂട്ടുനിന്നു. ഓപ്പണർമാരായ സാക് ക്രൗളി (21 പന്തിൽ എട്ട്), ഡൊമിനിക് സിബ്‌ലി (അഞ്ച് പന്തിൽ രണ്ട്), ഒന്നാം ഇന്നിങ്സിൽ ഇരട്ടസെഞ്ചുറി നേടിയ ജോ റൂട്ട് (മൂന്നു പന്തിൽ ഒന്ന്) എന്നിവരാണ് പുറത്തായത്. ജോ റൂട്ടാണ് കളിയിലെ കേമൻ.

നേരത്തെ, ഓപ്പണർ ലാഹിരു തിരുമന്നെയുടെ (111) സെഞ്ചുറിയും കുശാ‍ൽ പെരേര (62), എയ്ഞ്ചലോ മാത്യൂസ് (71) എന്നിവരുടെ ഇന്നിങ്സുകളുമാണ് ആതിഥേയർക്ക് 2–ാം ഇന്നിങ്സിൽ മികച്ച സ്കോർ സമ്മാനിച്ചത്. പിന്നീട് 2–ാം ഇന്നിങ്സിൽ ഇംഗ്ലണ്ടിനെ സ്പിന്നർ ലസിത് എംബുൾദെനിയ (2–13) ഞെട്ടിച്ചു. ഒന്നാം ഇന്നിങ്സിൽ ഇരട്ട സെ‍ഞ്ചുറി നേടിയ ക്യാപ്റ്റൻ ജോ റൂട്ട് (1) റണ്ണൗട്ടാവുകയും ചെയ്തതോടെയാണ് സന്ദർശകർ പ്രതിരോധത്തിലായത്.

English Summary: Sri Lanka vs England, 1st Test - Live Cricket Score

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CRICKET
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA