sections
MORE

മാഞ്ചസ്റ്റർ ടെസ്റ്റ്: ഇംഗ്ലണ്ടിന്റെ സമ്മർദം വിലപ്പോകില്ല; കടുപ്പിച്ച് ബിസിസിഐ

Sourav-Ganguly
സൗരവ് ഗാംഗുലി
SHARE

മുംബൈ ∙ ഇന്ത്യ – ഇംഗ്ലണ്ട് പരമ്പരയിലെ മാറ്റിവച്ച 5–ാം ടെസ്റ്റ് ഇനി നടത്തിയാൽ പരമ്പരയുടെ തുടർച്ചയായി മാത്രമേ പരിഗണിക്കുകയുള്ളൂവെന്നും ഒരൊറ്റ മത്സരം മാത്രമായി കണക്കാക്കാൻ കഴിയില്ലെന്നും ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പ്രസിഡന്റ് സൗരവ് ഗാംഗുലി.

മാഞ്ചസ്റ്റർ ടെസ്റ്റ് സംബന്ധിച്ച് അന്തിമ തീരുമാനമെടുക്കണമെന്നാവശ്യപ്പെട്ട് ഇംഗ്ലിഷ് ക്രിക്കറ്റ് ബോർഡ് (ഇസിബി) രാജ്യാന്തര ക്രിക്കറ്റ് കൗൺസിലിനു കത്തയച്ച പശ്ചാത്തലത്തിലാണു ഗാംഗുലിയുടെ പ്രതികരണം. 

ഇൻഷുറൻസ് ഇനത്തിൽ വൻതുക ലഭിക്കുമെന്നതിനാൽ മത്സരം ഇന്ത്യ തോറ്റതായി പ്രഖ്യാപിക്കണമെന്നാണ് ഇസിബിയുടെ ആവശ്യം. ടീം ഫിസിയോയ്ക്കും കോവിഡ് പിടിപെട്ടതിനാലാണ് അവസാന ടെസ്റ്റ്, ടോസിനു 2 മണിക്കൂർ മുൻപ് ഉപേക്ഷിച്ചത്.

മാറ്റിവച്ച ടെസ്റ്റിനു പകരമായി അടുത്ത വർഷം ഇംഗ്ലണ്ടിനെതിരെ അധികം ഏകദിന, ട്വന്റി20 മത്സരങ്ങൾ കളിക്കാൻ തയാറാണെന്നും ഗാംഗുലി പറഞ്ഞു. ഇന്ത്യൻ പ്രിമിയർ ലീഗ് (ഐപിഎൽ) ക്രിക്കറ്റ് മുടങ്ങുമെന്ന ഭയമല്ല ടെസ്റ്റ് റദ്ദാക്കലിനു പിന്നിലെന്നും ഗാംഗുലി വ്യക്തമാക്കി.

English Summary: Manchester test; BCCI

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CRICKET
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

തമാശയിൽ തുടങ്ങിയത് അനുഗ്രഹമായി | Johny Antony | Candid Talks

MORE VIDEOS
FROM ONMANORAMA