ഇംഗ്ലിഷ് ഭാഷയെ ശരിപ്പെടുത്താനുള്ള ‘വാക്കത്തി’ കയ്യിലുള്ളയാളായിരുന്നു വില്യം ഷേക്സ്പിയർ. നിലവിലുണ്ടായിരുന്ന വാക്കുകളുടെ വാലും തലയും മുറിച്ചും കൂട്ടിച്ചേർത്തും അഞ്ഞൂറോളം പുതിയ വാക്കുകൾ ഷേക്സ്പിയർ ഭാഷയ്ക്കു നൽകി എന്നാണ് പറയപ്പെടുന്നത്. ആധുനിക ക്രിക്കറ്റിന്റെ കാര്യത്തിൽ ഇങ്ങനൊയൊരു കത്തി കൈവശം കിട്ടിയത് ഒരു ദക്ഷിണാഫ്രിക്കക്കാരനാണ്– ഏബ്രഹാം ബെഞ്ചമിൻ ഡിവില്ലിയേഴ്സ് എന്ന എബി ഡിവില്ലിയേഴ്സിന്!
