എളുപ്പം കണ്ടുകിട്ടാത്ത, കിട്ടിയാൽ ഒരിക്കലും നഷ്ടപ്പെടുത്തിക്കൂടാത്ത അമൂല്യനിധികളാണ് ഋഷഭ് പന്തിനേപ്പോലുള്ള ക്രിക്കറ്റർമാർ. അവരൊന്ന് മനസ്സുവച്ചാൽ ഏതു കളിയും സ്വന്തം രീതിക്ക് മാറ്റിയെഴുതും, പക്ഷേ മനസ്സുവയ്ക്കണമെന്നു മാത്രം. ഇത്രത്തോളം പ്രതിഭയും നിർഭയത്വവും ഒത്തിണങ്ങിയ ഒരു താരം ഇന്ത്യൻ ടീമിൽ തൊട്ടുമുൻപുണ്ടായിരുന്നത് വീരേന്ദർ സേവാഗാണ്. ടെസ്റ്റിൽ ദിവസം ടീം നേടുന്ന റൺനിരക്കുവരെ തിരുത്തിയെഴുതിയയാളാണ് വീരു.
