വിജയം; രാജ്യാന്തര ക്രിക്കറ്റിനോട് വിട പറഞ്ഞ് കിവീസ് ഇതിഹാസം റോസ് ടെയ്‌ലർ

ross-taylor
വിടവാങ്ങൽ മത്സരത്തിൽ ഉപഹാരം സ്വീകരിച്ച ശേഷം ടെയ്‌ലർ ഭാര്യ വിക്ടോറിയ ബ്രൗൺ, മക്കളായ മക്കെൻസി, ജോണ്ടി എന്നിവർക്കൊപ്പം.
SHARE

ഹാമിൽട്ടൻ ∙ രാജ്യാന്തര ക്രിക്കറ്റിൽ നിന്നു വിരമിക്കുന്ന റോസ് ടെയ്‌ലർക്ക് വിജയത്തോടെ വിടവാങ്ങൽ നൽകി ന്യൂസീലൻഡ് ടീം. മുപ്പത്തിയെട്ടുകാരൻ ടെയ്‌ലറുടെ അവസാന മത്സരത്തിൽ കിവീസ് നെതർലൻഡ്സിനെ 115 റൺസിനു തകർത്തു. സ്കോർ: ന്യൂസീലൻഡ്– 50 ഓവറിൽ 8ന് 333. നെതർലൻഡ്സ്– 42.3 ഓവറിൽ 218നു പുറത്ത്. 

ടെയ്‌ലർ 14 റൺസെടുത്തു പുറത്തായി. മാർട്ടിൻ ഗപ്റ്റിൽ (106), വിൽ യങ് (120) എന്നിവരുടെ സെഞ്ചുറികളാണ് കിവീസിനു മികച്ച സ്കോർ നൽകിയത്. ടെസ്റ്റ് മത്സരങ്ങളിൽ നിന്ന് ജനുവരിയിൽ ടെയ്‌ലർ വിരമിച്ചിരുന്നു. 236 ഏകദിന മത്സരങ്ങളിൽ നിന്ന് 21 സെഞ്ചുറികളും 51 അർധ സെഞ്ചുറികളും സഹിതം 8607 റൺസാണ് ടെയ്‌ലർ നേടിയത്. ഇതു മൂന്നും ന്യൂസീലൻഡ് റെക്കോർഡാണ്.

English Summary: Ross Taylor retires from international cricket

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

കമൽ സാറും, ഫഹദും പിന്നെ വിക്രമും | Vijay Sethupathi Interview

MORE VIDEOS
FROM ONMANORAMA