എയ്ഞ്ചലോ മാത്യൂസ് 199നു പുറത്ത്; ഇരട്ട സെഞ്ചറി നഷ്ടം, നിരാശ

ചിറ്റഗോങ് ∙ ഒരു റൺ അകലെ ഏയ്ഞ്ചലോ മാത്യൂസിന് ഇരട്ട സെഞ്ചറി നഷ്ടമായ ദിനത്തിൽ ബംഗ്ലദേശിനെതിരായ ഒന്നാം ടെസ്റ്റിൽ ശ്രീലങ്കയ്ക്ക് മികച്ച സ്കോർ. രണ്ടാം ദിവസത്തെ അവസാന സെഷനിൽ 199 റൺസിന് പത്താമനായി മാത്യൂസ് പുറത്തായതോടെ ശ്രീലങ്കയുടെ ഒന്നാം ഇന്നിങ്സ് 397 റൺസിന് അവസാനിച്ചു.

മറുപടി ബാറ്റിങ്ങിൽ ബംഗ്ലദേശ് വിക്കറ്റ് നഷ്ടമില്ലാതെ 76 റൺസ് നേടിയിട്ടുണ്ട്. ടെസ്റ്റിൽ 199 റൺസെടുത്തു പുറത്താകുന്ന 12–ാം താരമാണ് മാത്യൂസ്. 2009ൽ ഇന്ത്യയ്ക്കെതിരെ 99ന് പുറത്തായ മാത്യൂസ് 99,199 എന്നീ സ്കോറുകളിൽ പുറത്താകുന്ന ഒരേയൊരു ബാറ്ററുമാണ്.

English Summary: Sri Lanka vs Bangladesh Test: Angelo Mathews falls for 199