വനിതാ ഏകദിനം: ശ്രീലങ്കയ്ക്കെതിരെ ഇന്ത്യയ്ക്ക് 4 വിക്കറ്റ് ജയം

പല്ലെക്കലെ ∙ ശ്രീലങ്കയ്ക്കെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യൻ വനിതകൾക്കു 4 വിക്കറ്റ് ജയം. ആദ്യം ബാറ്റ് ചെയ്ത ശ്രീലങ്ക 171 റൺസിൽ പുറത്തായപ്പോൾ ഇന്ത്യ 38 ഓവറിൽ 6 വിക്കറ്റു നഷ്ടത്തിൽ ലക്ഷ്യം കണ്ടു. ഇന്ത്യൻ ഓൾറൗണ്ടർ ദീപ്തി ശർമയാണ് പ്ലെയർ ഓഫ് ദ് മാച്ച്.  3 വിക്കറ്റു വീഴ്ത്തിയ ദീപ്തി ബാറ്റിങ്ങിൽ 22 റൺസുമായി പുറത്താകാതെ നിന്നു.   ക്യാപ്റ്റൻ ഹർമൻപ്രീത് കൗറാണ് (44) ഇന്ത്യയുടെ ടോപ് സ്കോറർ. രണ്ടാം ഏകദിനം നാലിനു നടക്കും.

English Summary: Indian Women beats Sri Lanka in First ODI