പരുക്ക് പ്രശ്നമല്ല; ക്യാപ്റ്റൻ രോഹിത് നാളെ ഇംഗ്ലണ്ടിനെതിരെ കളിക്കും
Mail This Article
×
അഡ്ലെയ്ഡ്∙ ഇംഗ്ലണ്ടിനെതിരായ സെമി മത്സരത്തിനു 2 ദിവസം മുൻപ് ടീം ഇന്ത്യയെ ആശങ്കയിലാക്കി ക്യാപ്റ്റൻ രോഹിത് ശർമയ്ക്ക് നിസ്സാര പരുക്ക്. സഹതാരങ്ങൾക്കൊപ്പം പരിശീലനം നടത്തുന്നതിനിടെ വലതു കൈത്തണ്ടയിൽ പന്തു കൊണ്ടാണ് രോഹിത്തിനു പരുക്കേറ്റത്.
ടീമിനൊപ്പം സഞ്ചരിക്കുന്ന ത്രോഡൗൺ സ്പെഷലിസ്റ്റ് എസ്. രഘു എറിഞ്ഞുകൊടുത്ത ലെങ്ത് ബോൾ കുതിച്ചുയരുകയായിരുന്നു. പുൾ ഷോട്ട് കളിക്കാൻ ശ്രമിച്ച രോഹിത് പന്ത് കയ്യിൽ കൊണ്ടതോടെ വേദനമൂലം പുളഞ്ഞു. വേദന കുറയ്ക്കുന്ന മാജിക് സ്പ്രേ പൂശിയ ശേഷം ഐസ് പാക്ക് കൈത്തണ്ടയിൽ വച്ച് രോഹിത് അൽപനേരം വിശ്രമിച്ചു. വേദന കുറഞ്ഞതോടെ ബാറ്റിങ് പുനരാരംഭിച്ച ക്യാപ്റ്റന് പ്രശ്നങ്ങളൊന്നുമില്ലെന്നും ഇംഗ്ലണ്ടിനെതിരെ കളിക്കുമെന്നും ടീം വൃത്തങ്ങൾ അറിയിച്ചു.
English Summary: Rohit Sharma, T20 World cup
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.