ആർ.അശ്വിൻ ചെന്നൈ സൂപ്പർ കിങ്സിൽ ‘തിരിച്ചെത്തും’, പക്ഷേ കളിക്കാരനായല്ല

ന്യൂഡൽഹി ∙ 9 വർഷത്തെ ഇടവേളയ്ക്കു ശേഷം സ്പിന്നർ ആർ.അശ്വിൻ ഐപിഎൽ ടീം ചെന്നൈ സൂപ്പർ കിങ്സിലേക്ക് തിരിച്ചെത്തുന്നു. കളിക്കാരനായല്ല, ടീമിന്റെ ഹൈ പെർഫോമൻസ് സെന്ററിന്റെയും അക്കാദമികളുടെയും തലപ്പത്തേക്കാണ് അശ്വിന്റെ വരവ്.

ഇന്ത്യയിലും വിദേശത്തുമുള്ള അക്കാദമികളുടെ ചുമതല അശ്വിനായിരിക്കുമെന്ന് സിഎസ്കെ സിഇഒ: കാശി വിശ്വനാഥൻ അറിയിച്ചു. 2008 മുതൽ 2015 വരെ ചെന്നൈ ടീമിന്റെ ഭാഗമായിരുന്ന അശ്വിൻ, നിലവിൽ രാജസ്ഥാൻ റോയൽസിലാണ്. അടുത്ത വർഷം മെഗാ താരലേലം നടക്കാനിരിക്കെ അശ്വിൻ ചെന്നൈ ടീമിലേക്കു തിരിച്ചെത്തുമെന്ന് അഭ്യൂഹങ്ങളുണ്ട്.