ട്വന്റി20 ലോകകപ്പിൽ സൂപ്പർ 8 മത്സരങ്ങൾ ഇന്നു മുതൽ, രാത്രി 8ന് യുഎസ്എ– ദക്ഷിണാഫ്രിക്ക

ആന്റിഗ്വ ∙ ട്വന്റി20 ലോകകപ്പിലെ സൂപ്പർ 8 റൗണ്ട് മത്സരങ്ങൾക്ക് ഇന്നു തുടക്കമാകും.  രാത്രി 8ന് ആന്റ്വിഗയിൽ നടക്കുന്ന ആദ്യ മത്സരത്തിൽ അരങ്ങേറ്റക്കാരായ യുഎസ്എ, ദക്ഷിണാഫ്രിക്കയെ നേരിടും. നാളെ രാത്രി എട്ടിനു നടക്കുന്ന സൂപ്പർ 8 മത്സരത്തിൽ അഫ്ഗാനിസ്ഥാനാണ് ഇന്ത്യയുടെ എതിരാളി.

4 ഗ്രൂപ്പുകളിലെയും ആദ്യ രണ്ടു സ്ഥാനക്കാരെ 2 ഗ്രൂപ്പുകളായി തിരിച്ചാണ് സൂപ്പർ 8 മത്സരങ്ങൾ നടക്കുന്നത്. ഗ്രൂപ്പ് ഒന്നിലാണ് ഇന്ത്യ. അഫ്ഗാനിസ്ഥാൻ, ഓസ്ട്രേലിയ, ബംഗ്ലദേശ് എന്നിവരാണ് ഗ്രൂപ്പിലെ മറ്റു ടീമുകൾ.

വെസ്റ്റിൻഡീസ്, യുഎസ്എ, ഇംഗ്ലണ്ട്, ദക്ഷിണാഫ്രിക്ക എന്നിവരാണ് ഗ്രൂപ്പ് രണ്ടിൽ. ഗ്രൂപ്പിലെ 4 ടീമുകളും പരസ്പരം മത്സരിച്ച് ആദ്യ 2 സ്ഥാനങ്ങളിൽ എത്തുന്ന ടീമുകൾ സെമിഫൈനലിൽ കടക്കും. 27നാണ് സെമി. ഫൈനൽ 29ന്.