ലേലത്തിൽ ആർക്കും വേണ്ട, പരുക്കേറ്റ അഫ്ഗാൻ താരത്തിനു പകരം മുജീബുർ മുംബൈ ഇന്ത്യന്‍സിൽ

മുംബൈ ∙ പരുക്കേറ്റ അല്ലാ ഗസൻഫാറിനു പകരം അഫ്ഗാനിസ്ഥാൻ ടീമിലെ സഹസ്പിന്നർ മുജീബുർ റഹ്മാനെ ടീമിലുൾപ്പെടുത്തി ഐപിഎൽ ടീം മുംബൈ ഇന്ത്യൻസ്. പതിനെട്ടുകാരനായ ഗസൻഫാറിന് സിംബാബ്‌വെ പരമ്പരയിലാണ് നട്ടെല്ലിനു പരുക്കേറ്റത്.

നാലു മാസമെങ്കിലും പുറത്തിരിക്കേണ്ടി വരുന്ന താരത്തിന് ചാംപ്യൻസ് ട്രോഫിയും ഐപിഎലും നഷ്ടമാകും. ഇരുപത്തിമൂന്നുകാരൻ മുജീബ് കഴിഞ്ഞ ഐപിഎൽ താരലലേത്തിൽ അൺസോൾഡ് ആയിരുന്നു. അഫ്ഗാനിസ്ഥാനു വേണ്ടി 49 രാജ്യാന്തര ട്വന്റി20 മത്സരങ്ങളിൽ 63 വിക്കറ്റുകൾ നേടിയിട്ടുണ്ട്.