ഏകദിന റാങ്കിങ്ങിൽ കോലി നാലാമത്, ഗിൽ ഒന്നാമത്; ആദ്യ പത്തിൽ ഇവർക്കു പുറമേ 2 ഇന്ത്യൻ താരങ്ങൾ കൂടി!

ദുബായ്∙ ഏകദിന ബാറ്റർമാരുടെ ഐസിസി റാങ്കിങ്ങിൽ നാലാം സ്ഥാനത്തേക്കുയർന്ന് ഇന്ത്യൻ താരം വിരാട് കോലി. ചാംപ്യൻസ് ട്രോഫി സെമിഫൈനലിൽ ഓസ്ട്രേലിയയ്ക്ക് എതിരായ അർധ സെഞ്ചറി പ്രകടനമാണ് റാങ്കിങ് മെച്ചപ്പെടുത്താൻ കോലിയെ സഹായിച്ചത്. ഇന്ത്യയുടെ ശുഭ്മൻ ഗില്ലാണ് ഒന്നാം റാങ്കിൽ.

പാക്കിസ്ഥാൻ താരം ബാബർ അസം രണ്ടാമതും. 2 സ്ഥാനം നഷ്ടപ്പെടുത്തിയ ഇന്ത്യൻ ക്യാപ്റ്റൻ രോഹിത് ശർമ 5–ാം സ്ഥാനത്തേക്കു താഴ്ന്നപ്പോൾ ദക്ഷിണാഫ്രിക്കൻ ബാറ്റർ ഹെയ്ൻ‌റിച്ച് ക്ലാസൻ മൂന്നാം റാങ്കിലെത്തി. ഒരു സ്ഥാനം മെച്ചപ്പെടുത്തി എട്ടാമതെത്തിയ ശ്രേയസ് അയ്യരാണ് ആദ്യ പത്തിലുള്ള നാലാമൻ.