ബ്ലാസ്റ്റേഴ്സ് ആരാധകർക്കായി ‘കെബിഎഫ്സി ട്രൈബ്സ്’
Mail This Article
കൊച്ചി ∙ ആരാധകർക്കായി കേരള ബ്ലാസ്റ്റേഴ്സിന്റെ ഓൺലൈൻ പ്ലാറ്റ്ഫോം ‘കെബിഎഫ്സി ട്രൈബ്സ്’. ബ്ലാസ്റ്റേഴ്സിന്റെ വിശേഷങ്ങളിലേക്കും പ്രവർത്തനങ്ങളിലേക്കും ഇതുവഴി കടക്കാം. https://keralablastersfc.in/ എന്ന സൈറ്റിൽ ലോഗിൻ ചെയ്തു റജിസ്റ്റർ ചെയ്യാം. ബ്ലാസ്റ്റേഴ്സിന്റെ ഫാൻ എൻഗേജ്മെന്റ് പങ്കാളിയായ ഫാവ്സി വികസിപ്പിച്ച പ്ലാറ്റ്ഫോമിൽ പങ്കാളിയാകാൻ ആപ്ലിക്കേഷനൊന്നും ഡൗൺലോഡ് ചെയ്യേണ്ടതില്ല.
ട്രൈബ്സിന്റെ പ്രത്യേകതകൾ:
∙കളിക്കാർക്കായി ശബ്ദസന്ദേശങ്ങൾ റിക്കോർഡ് ചെയ്ത് അയക്കാം.
∙ഫൊട്ടോഗ്രഫുകൾ അപ്ലോഡു ചെയ്യാം.
∙കെബിഎഫ്സി സമൂഹ മാധ്യമ ഫീഡ് ഒറ്റനോട്ടത്തിൽ കാണാം.
∙പങ്കാളിത്ത ഔട്ട്ലെറ്റുകളിൽ വിലക്കിഴിവുകൾ നേടാം.
∙ടിക്കറ്റ് ബുക്കിങ്
ഓരോ പ്രവർത്തനത്തിനും ' ആരാധകർക്ക് 'ബ്ലാസ്റ്റർ കോയിൻസ്' ലഭിക്കും. കോയിനുകൾ ഇതേ പ്ലാറ്റ്ഫോമിൽ കളിക്കാരുമായി മീറ്റ് ആൻഡ് ഗ്രീറ്റ്, മറ്റ് മത്സര പരിപാടികൾ എന്നിവയ്ക്കായി ഉപയോഗിക്കാം. ഭാവിയിൽ ഓഫ്ലൈൻ പങ്കാളിത്ത ഔട്ട്ലെറ്റുകളിൽ റെഡീം ചെയ്യാം.