ട്രാൻസ്ഫറിന് വെറും 8030 കോടി രൂപ!

സൂറിക്ക് ∙ ജനുവരിയിൽ നടന്ന ക്ലബ് ഫുട്ബോൾ ട്രാൻസ്ഫറുകളുടെ കണക്കുകൾ ഫിഫ പുറത്തുവിട്ടു. ഇത്തവണയും കളിക്കാരെ വാങ്ങാൻ ഏറ്റവുമധികം പണം ചെലവഴിച്ചത് ഇംഗ്ലണ്ടിൽ നിന്നുള്ള ക്ലബ്ബുകൾ.  

∙ പങ്കെടുത്തത് ഇന്ത്യ ഉൾപ്പെടെ 170 രാജ്യങ്ങളിലെ ക്ലബ്ബുകൾ 

∙ ആകെ നടന്നത് 4,108 ട്രാൻസ്ഫറുകൾ. 

∙ ട്രാൻസ്ഫറിനായി ക്ലബ്ബുകൾ ആകെ ചെലവിട്ടത് 8030 കോടി രൂപ (113 കോടി ഡോളർ). 5880 കോടി രൂപയും (ആകെ തുകയുടെ 71 ശതമാനം) ചെലവഴിച്ചത് ഇംഗ്ലണ്ട്, സ്പെയിൻ, ജർമനി, ഇറ്റലി, ഫ്രാൻസ് തുടങ്ങിയ 5 രാജ്യങ്ങൾ.

∙ ജനുവരി ട്രാൻസ്ഫർ കാലത്തെ ഏറ്റവും വില കൂടിയ കളിക്കാരൻ – ബ്രൂണോ ഫെർണാണ്ടസ്– 428 കോടി രൂപ (5.5 കോടി ഡോളർ)

ക്ലബ് മാറ്റം:  സ്പോർട്ടിങ് ലിസ്ബണിൽനിന്ന് ഇംഗ്ലണ്ടിലെ മാഞ്ചസ്റ്റർ യുണൈറ്റഡിലേക്ക്.