കോവിഡ്: സൊമാലിയൻ ഇതിഹാസം ഫറാ മരണത്തിനു കീഴടങ്ങി
Mail This Article
×
മൊഗാദിഷു (സൊമാലിയ) ∙ കോവിഡ് ബാധിച്ചു ചികിത്സയിലായിരുന്ന സൊമാലിയൻ മുൻ ഫുട്ബോളർ അബ്ദുൽ ഖാദിർ മുഹമ്മദ് ഫറാ (59) മരണത്തിനു കീഴടങ്ങി. നാലു വർഷമായി കായികമന്ത്രിയുടെ ഉപദേശകനായി സേവനമനുഷ്ഠിക്കുകയായിരുന്ന അദ്ദേഹത്തിന് ഒരാഴ്ച മുൻപാണു കോവിഡ് സ്ഥിരീകരിച്ചത്. ലണ്ടനിലെ ആശുപത്രിയിൽ ചികിത്സയിലിരിക്കെയാണു മരണം.
കോവിഡ് ബാധിച്ച് മരിക്കുന്ന ആദ്യ ആഫ്രിക്കൻ ഫുട്ബോളറാണ് ഫറാ. സൊമാലിയൻ ഫുട്ബോളിലെ ഇതിഹാസതാരമായാണു വിലയിരുത്തപ്പെടുന്നത്. സ്പാനിഷ് ഫുട്ബോൾ ക്ലബ് റയൽ മഡ്രിഡിന്റെ മുൻ പ്രസിഡന്റ് ലോറെൻസോ സാൻസ്, സ്പെയിനിലെ ഫുട്ബോൾ പരിശീലകനായിരുന്ന ഇരുപത്തിയൊന്നുകാരൻ ഫ്രാൻസിസ്കോ ഗാർഷ്യ എന്നിവരും കോവിഡ് ബാധിച്ചു മരണത്തിനു കീഴടങ്ങിയിരുന്നു.
English Summary: Abdul Kadir Mohamed Farah passed away
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.