യുവെയ്ക്കു തോൽവി; നിരാശയിൽ ക്രിസ്റ്റ്യാനോ
Mail This Article
×
മിലാൻ ∙ യുവെന്റസ് തോറ്റതിൽ മാത്രമല്ല ക്രിസ്റ്റ്യാനോ റൊണാൾഡോയ്ക്കു സങ്കടം. ഇറ്റാലിയൻ ഫുട്ബോൾ ലീഗിൽ ഈ സീസണിലെ ടോപ് സ്കോറർ ആവുകയെന്ന താരത്തിന്റെ സ്വപ്നം ഇനി യാഥാർഥ്യമാവുക എളുപ്പമല്ല. ഇറ്റാലിയൻ ലീഗ് കിരീടം നേടിയതിനു പിന്നാലെ യുവെന്റസ് കഴിഞ്ഞ ദിവസത്തെ കളിയിൽ കാഗ്‌ലിയാരിയോടു തോറ്റത് 2–0ന്.
കളിയിൽ ഗോൾ നേടാൻ ക്രിസ്റ്റ്യാനോയ്ക്കു സാധിച്ചില്ല. 5–ാം സ്ഥാനക്കാരായ എഎസ് റോമയ്ക്കെതിരെ ഇനി ഒരു മത്സരം മാത്രമാണു യുവെയ്ക്കുള്ളത്. ലാസിയോ താരം സിറോ ഇമ്മൊബൈലാണു നിലവിൽ ലീഗ് ടോപ് സ്കോറർ; 35 ഗോളുകൾ. ക്രിസ്റ്റ്യാനോയ്ക്ക് 31. അവസാന മത്സരത്തിൽ ഗോൾമഴ പെയ്യിച്ചെങ്കിലേ ഇനി ക്രിസ്റ്റ്യാനോയ്ക്കു ഗോൾഡൻ ബൂട്ട് പുരസ്കാരം നേടാനാവൂ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
