മെസ്സിയെയും റോണോയെയും നേരിട്ട പരിചയത്തിൽ ബ്ലാസ്റ്റേഴ്സിലേക്ക് ഒരു താരം!

കൊച്ചി ∙ ലാ ലിഗയിൽ സാക്ഷാൽ ലയണൽ മെസ്സി, ആന്ദ്രെ ഇനിയേസ്റ്റ, ക്രിസ്റ്റ്യാനോ റൊണാൾഡോ എന്നിവരുൾപ്പെടെയുള്ള വമ്പൻമാർക്കെതിരെ ബൂട്ടണിഞ്ഞിട്ടുള്ള സ്പാനിഷ് താരം വിൻസന്റ് ഗോമസ് കേരള ബ്ലാസ്റ്റേഴ്സ് ഫുട്ബോൾ ക്ലബ്ബിൽ. നിലവിൽ സ്പാനിഷ് 2–ാം ഡിവിഷനിൽ കളിക്കുന്ന ഡിപോർട്ടിവോ ലാ കൊരൂണയുടെ താരമാണു ഡിഫൻസീവ് മിഡ്ഫീൽഡറായ ഗോമസ്.

സ്പാനിഷ് ക്ലബുകളായ ലാ പാൽമ, എഡി ഹുറാകാൻ തുടങ്ങിയ ടീമുകളിൽ കളിച്ചു. 2015-16 ലാ ലിഗ സീസണിൽ ബാർസിലോനയ്ക്കും റയൽ മാഡ്രിഡിനുമെതിരായ മത്സരത്തിൽ ലാ പാൽമയെ നയിച്ചതു ഗോമസാണ്. ലാ പാൽമയ്ക്കായി 8 സീസണുകളിൽ കളിച്ചു.

English Summary: Kerala Blasters sign Spanish midfielder Vicente Gomez Umpierrez