ഉരുക്കുണ്ട്, കരുത്തും; ജംഷഡ്പുർ എഫ്സിക്ക് ഇനി ഒരുറപ്പു വേണം
Mail This Article
കളിച്ച 3 സീസണുകളിലും വ്യത്യസ്ത പരിശീലകർക്കു കീഴിലാണ് ടാറ്റ സ്റ്റീൽസിന്റെ ഉടമസ്ഥതയിലുള്ള ജംഷഡ്പുർ എഫ്സി കളിച്ചത്. പക്ഷേ ഇതുവരെ പ്ലേഓഫ് കളിക്കാനായില്ല.
∙ വാൽസ്കിസ് വരുന്നു
സ്പാനിഷ് ലീഗിലേക്കു തിരിച്ചു പോയ സെർജിയോ കാസ്റ്റെലിനു പകരം കഴിഞ്ഞ സീസണിലെ ഗോൾഡൻ ബൂട്ട് ജേതാവായ നെരിജസ് വാൽസ്ക്സിനെ ചെന്നൈയിൽ നിന്ന് എത്തിച്ചിട്ടുണ്ട്. സണ്ടർലാൻഡിനു വേണ്ടി 9 വർഷം കളിച്ച ഡിഫൻഡർ പീറ്റർ ഹാർട്ട്ലിയാണ് ക്യാപ്റ്റൻ. ഓസ്ട്രേലിയൻ ഫോർവേഡ് നിക്കോളാസ് ഫിറ്റ്സ്ജെറാൾഡ്, ബ്രസീലിയൻ മിഡ്ഫീൽഡർ അലക്സ് ലിമ, നൈജീരിയൻ ഡിഫൻഡർ സ്റ്റീഫൻ എസെ എന്നിവരാണ് മറ്റു വിദേശികൾ.
∙ ഇന്ത്യൻ സ്റ്റാർസ്
വിങ്ങർ ജാക്കിചന്ദ് സിങ്ങാണ് ടീമിലെ ഇന്ത്യൻ സൂപ്പർ താരം. ഗോൾകീപ്പറായി മലയാളി താരം ടി.പി രഹനേഷുണ്ട്. ഇന്ത്യൻ അണ്ടർ–19 ലോകകപ്പ് ടീമിന്റെ ക്യാപ്റ്റനായിരുന്ന അമർജിത് സിങ് കിയാം, ഫോർവേഡ് അനികേത് ജാദവ്, ഡിഫൻഡർ ജിതേന്ദ്ര സിങ് തുടങ്ങിയവരും ടീമിലുണ്ട്.
∙ കോയ്ലിന്റെ കോർട്ട്
കഴിഞ്ഞ സീസണിൽ ചെന്നൈയിൻ എഫ്സിയെ ഫൈനലിലെത്തിച്ചയാളാണ് കോച്ച് ഓവൻ കോയ്ൽ. വാൽസ്ക്സിനെ മുന്നിൽ നിർത്തി 4–2–3–1 ഫോർമേഷനിലാകും കോയ്ൽ ജംഷഡ്പുരിനെ ഇറക്കുക.
English Summary: Jamshedpur FC, ISL 2020-21 - Team Analysis