ആരോസിനെ 4–0നു തകർത്ത് ഗോകുലം
Mail This Article
കൊൽക്കത്ത ∙ ഐ ലീഗ് ഫുട്ബോളിൽ വിജയക്കുതിപ്പ് തുടർന്ന് ഗോകുലം കേരള എഫ്സി. ഇന്ത്യൻ ആരോസിനെ 4–0നാണു ഗോകുലം തകർത്തത്. ഇതോടെ 8 കളികളിൽ 13 പോയിന്റുമായി ഗോകുലം പോയിന്റ് പട്ടികയിൽ 4–ാം സ്ഥാനത്തെത്തി. എതിരാളികളുടെ പ്രതിരോധക്കോട്ട ഭേദിക്കാൻ ആദ്യപകുതിയിൽ കഴിഞ്ഞില്ലെങ്കിലും 2–ാം പകുതിയിൽ ഗോകുലം താരങ്ങൾ അതിനു പരിഹാരം ചെയ്തു.
47–ാം മിനിറ്റിൽ മലയാളി താരം എമിൽ ബെന്നിയാണു ഗോകുലത്തിന്റെ ഗോളടിക്കു തുടക്കമിട്ടത്. 50–ാം മിനിറ്റിൽ പെനൽറ്റിയിലൂടെ ഡെന്നിസ് അന്റ്വി ലക്ഷ്യം കണ്ടു. 78–ാം മിനിറ്റിൽ പകരക്കാരൻ ലാൽറോമാവിയ ഗോകുലത്തിന്റെ 3–ാം ഗോൾ നേടി. ഇൻജറി ടൈമിന്റെ അവസാന മിനിറ്റിൽ മറ്റൊരു സബ്സ്റ്റിറ്റ്യൂട്ട് റൊണാൾഡ് സിങ് ഗോൾപട്ടിക പൂർത്തിയാക്കി. 44–ാം മിനിറ്റിൽ ഗോകുലം താരം ഷെരീഫ് മുഹമ്മദ് പെനൽറ്റി പാഴാക്കിയിരുന്നു. 23നു സുദേവ എഫ്സിയുമായാണു ഗോകുലത്തിന്റെ അടുത്ത മത്സരം.
English Summary: Gokulam trashes Arrows