sections
MORE

ഐഎസ്എൽ: കേരള ബ്ലാസ്റ്റേഴ്സ്– ചെന്നൈയിൻ എഫ്സി മത്സരം സമനിലയിൽ

cfc-blasters-6
കേരള ബ്ലാസ്റ്റേഴ്സ്– ചെന്നൈയിൻ എഫ്സി മത്സരത്തിൽനിന്ന്
SHARE

പനജി ∙ സീസണിന്റെ ഒടുവിലെങ്കിലും ടീം ജയിക്കുന്നതു കാണാൻ കാത്തിരുന്ന ബ്ലാസ്റ്റേഴ്സ് ആരാധകർക്കു നിരാശ. ഐഎസ്എൽ ഫുട്ബോളിൽ അവസാനത്തേതിനു തൊട്ടു മുൻപുള്ള തങ്ങളുടെ മത്സരത്തിൽ കേരള ബ്ലാസ്റ്റേഴ്സ് ചെന്നൈയിൻ എഫ്സിയുമായി സമനിലയിൽ (1–1) പിരി‍ഞ്ഞു. തോറ്റില്ലല്ലോ എന്ന ആശ്വാസം മാത്രം ബാക്കി.   ബ്ലാസ്റ്റേഴ്സിന്റെ അവസാന മത്സരം 26നു നോർത്ത് ഈസ്റ്റിനെതിരെ. 

   തുടക്കം മുതലേ ആക്രമിച്ചു കയറിയ ചെന്നൈ ഫഖുലോ ഫഖുലോവിലൂടെ 10–ാം മിനിറ്റിൽ മുന്നിലെത്തി.  ഹാൻഡ് ബോളിനു കിട്ടിയ പെനൽറ്റിയിലൂടെ 29–ാം മിനിറ്റിൽ ഗാരി ഹൂപ്പർ ബ്ലാസ്റ്റേഴ്സിനെ ഒപ്പമെത്തിച്ചു. 80–ാം മിനിറ്റിൽ ചെന്നൈ താരം ഇനിയസ് സിപോവിച്ച് ചുവപ്പു കാർഡ് കണ്ടു മടങ്ങി. 

തോൽവി; ബെംഗളൂരു പ്ലേഓഫിനു പുറത്ത്

ഫറ്റോർഡ ∙ എഫ്സി ഗോവയോടു 2–1നു തോറ്റ ബെംഗളൂരു എഫ്സി ഐഎസ്എൽ ഫുട്ബോളിൽ പ്ലേഓഫ് കാണില്ലെന്നുറപ്പായി. ഇഗോർ അംഗുലോ (20’), റെഡീം തലാങ് (23’) എന്നിവരാണു ഗോവയെ മുന്നിലെത്തിച്ചത്. സുരേഷ് വാങ്ജാം (33’) ബെംഗളൂരുവിനായി ഗോളടിച്ചു. തോൽവിയറിയാതെ 12 മത്സരങ്ങൾ പൂർത്തിയാക്കിയ ഗോവ തങ്ങളുടെ തന്നെ റെക്കോർഡിനൊപ്പമെത്തി. 

English Summary: India Super League 2020-21, KBFC Vs CFC - Live Updates

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FOOTBALL
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA