ക്രിസ്റ്റ്യാനോ ഡബിളിൽ യുവെ

ടൂറിൻ ∙ ക്രിസ്റ്റ്യാനോ റൊണാൾഡോയുടെ ഇരട്ടഗോളിൽ സീരി എ ഫുട്ബോൾ മത്സരത്തിൽ ക്രോത്തോന്യയ്ക്കെതിരെ യുവന്റസിനു 3–0 ജയം. ഇതോടെ നിലവിൽ സീരി എയിൽ കളിക്കുന്ന എല്ലാ ടീമുകൾക്കെതിരെയും ഗോൾ എന്ന നേട്ടത്തിലെത്തി ക്രിസ്റ്റ്യാനോ. യൂറോപ്യൻ ലീഗുകളിൽ ക്രിസ്റ്റ്യാനോ ഗോളടിക്കുന്ന 78–ാം ക്ലബ്ബാണ് ക്രോത്തോന്യ. എസി മിലാൻ താരമായ ഇബ്രാഹിമോവിച്ചിന്റെ റെക്കോർഡാണു ക്രിസ്റ്റ്യാനോയുടെ ലക്ഷ്യം. ഇബ്ര 79 ക്ലബ്ബുകൾക്കെതിരെ ഗോൾ നേടിയിട്ടുണ്ട്. ജയത്തോടെ 22 കളികളിൽ 45 പോയിന്റുമായി യുവെ 3–ാം സ്ഥാനത്തേക്കു കയറി. എസി മിലാൻ (23 കളി, 49 പോയിന്റ്), ഇന്റർ മിലാൻ (23 കളി, 53 പോയിന്റ്) എന്നിവരാണു മുന്നിലുള്ളത്.

Content Highlights: Juventus vs Crotone