മാഞ്ചസ്റ്റർ യുണൈറ്റഡ് റിട്ടേൺസ്; പിന്നിൽനിന്നും തിരിച്ചടിച്ച് ബ്രൈറ്റണെതിരെ ജയം

മാഞ്ചസ്റ്റർ ∙ മേസൺ ഗ്രീൻവുഡിന്റെ തകർപ്പൻ തിരിച്ചുവരവിൽ മാഞ്ചസ്റ്റർ യുണൈറ്റഡിനു വിജയം. ഇംഗ്ലിഷ് പ്രീമിയർ ലീഗ് ഫുട്ബോളിൽ ബ്രൈറ്റൺ ആൻഡ് ഹോവ് ആൽബിയനെ 2–1നു യുണൈറ്റഡ് തോൽപിച്ചു. ഒരു ഗോളിനു പിന്നിൽനിന്ന ശേഷമായിരുന്നു ചുവന്ന ചെകുത്താന്മാരുടെ തിരിച്ചുവരവ്.

ജയത്തോടെ, പ്രീമിയർ ലീഗ് പോയിന്റ് പട്ടികയിൽ യുണൈറ്റഡ് 2–ാം സ്ഥാനം ഉറപ്പിച്ചു. 13–ാം മിനിറ്റിൽ ഡാനി വെൽബെക്കാണു ബ്രൈറ്റണു ലീഡ് നൽകിയത്. എന്നാൽ, 2–ാം പകുതിയിൽ യുണൈറ്റഡ് മറുപടി നൽകി. 62–ാം മിനിറ്റിൽ മാർക്കസ് റാഷ്ഫഡും 83–ാം മിനിറ്റിൽ ഗ്രീൻവുഡും ലക്ഷ്യം കണ്ടു. യുണൈറ്റഡിനു 30 കളിയിൽ 60 പോയിന്റ്.

English Summary: Manchester United returns