ആർസനലിനെ തള്ളിപ്പറഞ്ഞ് തിയറി ഒൻറി

ലണ്ടൻ ∙ ആർസനലിന്റെ പേരിൽ അറിയപ്പെടാൻ താനിനി ആഗ്രഹിക്കുന്നില്ലെന്ന് ക്ലബ്ബിന്റെ ഇതിഹാസതാരം തിയറി ഒൻ‍റി. 

യൂറോപ്യൻ സൂപ്പർ ലീഗ് ഫുട്ബോളുമായി ആർസനൽ പങ്കുചേർന്നതും ആരാധകരുടെ എതിർപ്പുമൂലം പിൻവാങ്ങേണ്ടി വന്നതും സൂചിപ്പിച്ചാണ് ക്ലബ്ബിന്റെ എക്കാലത്തെയും ടോപ്സ്കോററായ മുൻ ഫ്രഞ്ച് താരം തുറന്നടിച്ചത്. 

‘ആർസനൽ ഇപ്പോൾ ഒരു കമ്പനി പോലെയാണ്. ഫുട്ബോൾ ക്ലബ് എന്നാൽ എന്താണെന്ന് ആരാധകർ അവർക്കു പഠിപ്പിച്ചു കൊടുത്തു.’– യുഎസ് കോടീശ്വരൻ സ്റ്റാൻ ക്രോയെങ്കെയുടെ ഉടമസ്ഥതയിലുള്ള ക്ലബ്ബിനെക്കുറിച്ച് ഒൻറി പറഞ്ഞു.