മൗറീഞ്ഞോയുടെ ‘കളി’ ഇനി ഇറ്റലിയിൽ; എഎസ് റോമയെ പരിശീലിപ്പിക്കും

റോം ∙ ഇംഗ്ലിഷ് ക്ലബ് ടോട്ടനം ഹോട്സ്പർ പുറത്താക്കിയ പോർച്ചുഗീസ് കോച്ച് ഹൊസെ മൗറീഞ്ഞോ അടുത്ത സീസണിൽ ഇറ്റാലിയൻ ക്ലബ് എഎസ് റോമയുടെ പരിശീലകനാവും. 3 വർഷത്തേക്കാണു കരാർ. നിലവിലെ കോച്ച് പൗലോ ഫോൺസെക ഈ സീസണോടെ ക്ലബ് വിടും.  ഇന്റർ മിലാൻ, പോർച്ചുഗീസ് ക്ലബ് എഫ്സി പോർട്ടോ, ഇംഗ്ലിഷ് ക്ലബ്ബുകളായ ചെൽസി, മാഞ്ചസ്റ്റർ യുണൈറ്റഡ്, സ്പാനിഷ് ക്ലബ് റയൽ മഡ്രിഡ് എന്നിവയുടെയും പരിശീലകനായിരുന്ന മൗറീഞ്ഞോ 17 മാസക്കാലം ടോട്ടനം ഹോട്സ്പർ മാനേജരായിരുന്നു.

English Summary: Jose Mourinho Joins Roma On Three-Year Deal