‘അത്ര വേണോ’എന്ന് ചോദ്യം, ‘അതുക്കും മേലേ’ എന്ന് ഖത്തർ; അറബ് കപ്പ് എന്ന റിഹേഴ്സൽ

ഫുട്ബോളിനെ സംബന്ധിച്ചിടത്തോളം അറബ് കപ്പ് വലിയൊരു ചാംപ്യൻഷിപ്പൊന്നും അല്ല. എന്നാൽ, അറബ് കപ്പിന്റെ സംഘാടനം ഖത്തറിന് ഏറെ പ്രധാനപ്പെട്ടതാണ്. എണ്ണയിട്ട യന്ത്രം പോലെ പ്രവർത്തിക്കുന്ന ഖത്തറിന്റെ സംഘാടന മികവിന്റെ പരീക്ഷണ വേദി. ലോകകപ്പിനു വേണ്ടി പ്രത്യേകം തയാറാക്കിയ പല സ്റ്റേഡിയങ്ങളിലും ആദ്യമായി പന്തുരുളുന്നത് അറബ് കപ്പിനു വേണ്ടിയാകും.