പുതിയ കുപ്പായത്തിൽ ചാംപ്യൻമാരാകാൻ ക്രിസ്റ്റ്യാനോ, മെസ്സി

ബാർസിലോന ∙ ചരിത്രത്തിലാദ്യമായി ബാർസിലോനയുടെ ജഴ്സിയിലല്ലാതെ ചാംപ്യൻസ് ലീഗ് മത്സരം കളിക്കാൻ ലയണൽ മെസ്സി. 12 വർഷങ്ങൾക്കു ശേഷം മാഞ്ചസ്റ്റർ യുണൈറ്റഡ് ജഴ്സിയിൽ ഇറങ്ങാൻ ക്രിസ്റ്റ്യാനോ റൊണാൾഡോ. ഇതിഹാസ താരങ്ങളുടെ കൂടുമാറലിനു ശേഷമുള്ള ആദ്യ യുവേഫ ചാംപ്യൻസ് ലീഗ് ഫുട്ബോളിന്റെ ഗ്രൂപ്പ് ഘട്ട മത്സരങ്ങൾക്ക് ഇന്നു തുടക്കം.

സ്വിറ്റ്സർലൻഡ് ക്ലബ് യങ് ബോയ്സിനെതിരെ അവരുടെ മൈതാനത്താണു യുണൈറ്റഡിനു പോരാട്ടം. മത്സരം ഇന്ത്യൻ സമയം ഇന്നു രാത്രി 10.30ന്. ബാർസ സ്വന്തം മൈതാനമായ നൂകാംപിൽ ജർമൻ ടീം ബയൺ മ്യൂണിക്കിനെ നേരിടും. കിക്കോഫ് ഇന്നു രാത്രി 12.30ന്. മറ്റു മത്സരങ്ങൾ: സെവിയ്യ–സാൽസ്ബർഗ്, ലീൽ–വൂൾവ്സ്ബർഗ്, വിയ്യാറയൽ–അറ്റലാന്റ, ചെൽസി–സെനിത്, മാൽമോ–യുവന്റസ്, ഡൈനമോ കീവ്–ബെൻഫിക്ക.

English Summary: UEFA Champions League; Group matches begins