ക്രൊയേഷ്യൻ താരം മാർക്കോ ലേസ്കോവിച് ബ്ലാസ്റ്റേഴ്സിൽ
Mail This Article
കൊച്ചി ∙ ക്രൊയേഷ്യൻ ദേശീയ ടീമിൽ കളിച്ചിട്ടുള്ള പ്രതിരോധ താരം മാർക്കോ ലേസ്കോവിച് (30) കേരള ബ്ലാസ്റ്റേഴ്സിൽ. സീസണിൽ ടീമിലെത്തുന്ന ആറാമത്തെ വിദേശ താരമാണു ലേസ്കോവിച്. ഡൈനമോ സാഗ്രെബിൽ നിന്നാണു വരുന്നത്.
ക്രൊയേഷ്യൻ ടോപ് ഡിവിഷനിൽ 150 ലധികം മത്സരങ്ങളുടെ പരിചയ സമ്പത്തുള്ള അദ്ദേഹം സെന്റർ ബാക്കായും ഡിഫൻസീവ് മിഡ്ഫീൽഡറായും കളിച്ചിട്ടുണ്ട്.
ജസ്റ്റിൻ ജോർജ് നോർത്ത് ഈസ്റ്റിൽ
കോട്ടയം ∙ മലയാളി താരം ജസ്റ്റിൻ ജോർജ് ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിന്റെ കുപ്പായമണിയും. 3 വർഷത്തെ കരാറാണു കോട്ടയം സ്വദേശിയായ ഡിഫൻഡറുമായി ടീം ഒപ്പിട്ടത്. ഗോകുലം കേരള താരമായിരുന്ന ജസ്റ്റിൻ ഡ്യുറാൻഡ് കപ്പ്, ഐ ലീഗ് എന്നിവ നേടിയ ടീമിൽ അംഗമായിരുന്നു. 2017–18 സീസണിൽ സന്തോഷ് ട്രോഫി കിരീടം നേടിയ കേരള ടീം അംഗവുമായിരുന്നു.
English Summary: Croatian player Marko Leskovic joins Kerala Blasters